Phla ki 4 ngut wa yoh ya ki Question Paper chwa wow pynman ya ka NEET-UG 2024

Ka Supreme Court ynne da kyntait ko wow pynsangeh ya ka NEET-UG 2024 Counseling tangwa da phah ko ya ka Notice cha ka National Testing Agency (NTA).

Ka yung bichaar ynne da pdiang ko leh ya ki mukotduma wa dang thymme wa yaleh da ki khynnah wa kynthup na Meghalaya heiwa da phah wow soohlang ki wa kiwa da yaleh chwa wei da booh ya ka 8 tarik wow wan kam ka sngi wow chong bichaar biang.

Ynnin won ka Supreme Court da phah sangeh ko yei bichaar ki le tylli ki High Court hajrong kani ka jooh ka NEET-UG 2024 heiwa da phah wow pynman da ka takit wa laitlooid yei pynbaad wa lait tooh ki Question Paper kamjooh yei e Grace Marks.

Kam wow kdaw heini wa ynnin, ki pulit ka Bihar da kem ki ya kiwa yaleh ya kani ka Exam kiwa da phla wa da yoh ki ya ki Question Paper chi sngi chwa wow pynman ya kani ka Exam deiwa su ki awjan Rs. 32 lak.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kini kiwa chah kem kiwa yaleh Exam ha Bihar da em ki soo ngut heiwa da khana ki wa da yoh ki ya ki Question Paper chi sngi chwa ka 5 tarik u Naisan kawa man ka sngi wa pynman ya kani ka Exam.

Uwi na kini kiwa chah kem toh uwa tip kam u Anurag Yadav uwa da khana wa u ma u uwa tip kam u Sikander Yadavendu toh uwa leh yeini waroh wow pynyoh ya ki Question Paper.

Da khana u leh wa oo em u ha Kota, Rajasthan yow leh Coaching yow pynkhreh ya kani ka NEET tangwa u ma u da khut u oo wow liwan u cha Patna heiwa da lai yachem ki ya u Amit Anand wa u Nitish Kumar kiwa man ki bru wa pynyoh ya kini ki Question Paper kiwa da e leh ya ki Answer Key tangwa ini toh iwa da jia ha ka 4 tarik wei da pyrchang u wow khreh yow kynmoo yei jubab wei haka 5 tarik hawa chong Exam da yoo u wa toh hi thij kamwa man ka Question Paper wa da yoh u.

U ma uni u khynnah da ong u wa u Amit wa u Nitish da wan ki wow khana ya oo chaphang ini i lait tooh ki Question Paper ka NEET wei u chongdor ki Rs.30-32 lak wei da pynbait u wow leh yeini wa ki soo ngut ki khynnah wa kynthup ya u Ayush Kumar, u Anurag Yadav, u Shivanand Kumar wa u Abhishek Kumar.

Da phla u leh wa neidaw wa khwan u, da paan u Rs. 40 lak na uwi u khynnah heithaw i dor wa da pynbait tangwa hadien won da chah kem u ha ki pulit.

Na waroh kini kiwa yaleh, da mih pyrthai ki Marks u Anurag Yadav uwa da yoh u 185 Marks na ka 720 iwa mut yoh u 54.84% waroh.

Da lehbha u ha ka Physics deiwa yoh 85.8%, 51% ha ka Biology katwa ha ka Chemistry da yoh u du 5% neidaw wym yoh por u wow khreh yow kynmoo ya waroh ki jubab wa toh neibhah wa yoh u ya ka Question Paper du chi sngi chwa wow pynman Exam.

Kam wo pynkynmoo wa ha uni u snem da em 67 ngut kiwa 720/720 heiwa 6 ngut toh kiwa na Haryana kiwa yaleh na ka jooh ka Exam Centre.