Katkam wa pyntip ki pulit wa ha ka 6 tarik uni u bnai, da yoh yei Phone na kiwa chong chnong ka Mooriap, East Jaiñtia Hills wa chah tynyap uwi u bru wa tip kam u Raju Yndoh ha Jalaphet Bri-Sumer heipor wa wan u na Jalaphet da ka kari Maruti 800 deilang wa ar ngut ki payu arbei u.
Kamtæ ki pulit ka Umpleng OP da lai ki cha ini i thaw wei da chem ki yei metyap uwi u bru uwa da piah i khlieh arliang wei hajan i metyap da chem ya kawi ka wait kawa da kheiñ ar lyngkhot.
Hawa pynman yei takit da chem wa uwi na ki payu arbei uni uwa khlaad uwa tip kam u Donbor Yndoh, ka patlun deilang wa ki juti u toh kiwa em yong snaam. Deiwa suba lang ya sa uwi uwa da emlang hapoh ka kari, da lai rah ki pulit ya u Janki Yndoh uwa man leh chi payu arbei wei da wanrah ya oo cha Khliehriat PS yow takit.
Kini ki arngut da phla ki wa emkti ki wow tynyap ya u Raju Yndoh wei da kem noh ya ki syndon.
Yei daw wa da leh ki yeini da suba toh neidaw i thaw waka poisa wei ya ka Case da booh ha ka Saipung Police Station wei ka takit dang lai ko chakhmat.
