theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1

Phone u Lat ya u CM wow pynbait noh ya i kaam kiwa sikai SSA: Aristotle

Advertisement ad1

Kiwa sikai skur Samagra Shiksha Abhiyan (SSA) hapoh ka satri yong ka Meghalaya SSA School Association (MSSASA), ynne ka 21 tarik da pynsñiaw ki yei dawa hakhmat u Lat ka jylla, u Satya Pal Malik wow phah tuklar neibynta i hok yong kiwa sikai SSA.

U Aristotle Rymbai uwa man u president ka MSSASA da ong u wa i yachem ya u Lat Satya Pal toh hadien i wym mano ka sorkar jylla, wei wow pynsñiaw ya 2 tylli ki dawa ka seiñ kiwa kynthup wow su noh ya ka tulop wa sah 5 bnai wei wow pynku noh ya ka tulop kiwa sikai LP wa UP.

Da ong u wa ka MSSASA da kyrpaad ko ya u Lat wow chimkhia hajrong i eh i khor wa chem kiwa sikai, khnang wow yoh ki yei hok. U Rymbai da ong u wa u Lat hakhmat yong ki da phone u ya u Montri Rangbah ka Meghalaya, u Conrad K Sangma wow kylli iyi da leh ka sorkar hajrong ini waroh, u Lat da phah u ya u Montri Rangbah uwa em cha Tura wa mar poi u ha Shillong da toh wow pynbait noh ya ini i chem chitom kiwa sikai.

Uni uwa yahkhmat kiwa sikai da kyrpaad u leh hakhmat u Lat wow pynsñiaw ya ka sorkar India wow pyllait noh ya ka poisa wow su cha kiwa sikai SSA, neibhah ka bhah wa su cha ki man ko 90 percent toh na ka Sorkar India.

Share this:
Previous

Chem ki paidbah ya iwi i metyap ka kynthai ha Umtyra, EJH

Next

Chirup wa u DC lai sylli ka JSU ya ki chnong ha khappood Bangladesh