Phooh ka lehkmen 69th Republic Day ha Jowai

Jowai: Chirup wa ka ri India, ha Jowai leh da leh warom ya ka 69^th Republic Day ha madan Jrisaleiñ, Jowai.

U Deputy Commissioner ka West Jaiñtia Hills u R. Rapthap da pynhær u ya ka lama ka ri wei da chim u leh ya ka Rashtriya Salute.

Ha ka March Past da wan chimbynta da 25 tylli ki dhab wa kynthup ya ka District Executive Force (DEF), 3^rd Battalion, MLP Battalion, District Home Guard, ki Bharat Scouts and Guides wa ki skur wa boon.

Ha ka khubor Republic Day wa e u DC da ong u wa ha kani ka sngi ha u snem 1950 da yoh ya ka riti synchaar wow pynbna pyrthai ya ka ri India kam ka ri wa da synchaar pyn da ka ya ka hi da ka synchaar paidbah.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u leh wa ym toh u mylliñ i ya ki khla wait ka jylla kam u Kiang Nangbah, u Tirot Sing wa u Pa Togan Sangma.

Da pynkynmoo u leh wa katni hapoh ka jylla man ko kawa chongsuk chongsaiñ. Ha kini ki snem wa da lai ki pulit wa ki chipai ka sorkar pyrdi da kreh chitom wow pyndooh ya ki seiñ leh pyrchah ya ka imlang sahlang wei da man ko kawa da mihsoh hawa pait yei man ka jylla katni.

Hei yatoh wa ki kaam kahppood da ong u wa ka sorkar chimkhia ko wow pynbait smat ya u pood wa ka Assam heiwa ki Montri Rangbah wa ki Chief Secretary ka Meghalaya waka Assam deilang wa ki bor district da krehlang ki wow pynbait ya u pood u ang.

Da ong u leh wa ka khappood waka Bangladesh man ko kawa chong suk wei ka jylla dang krehchitom ko wow ker sainar ha u pood yow khanglaad yei psiah tooh ki nong Bangla chapoh ka jylla.

Ha kani ka sni yei naam Best Marching Contingent da rah ka JNV Mukhla, wa ar ka North Liberty Higher Secondary School, Jowai wa le ka Q.C. Springside Secondary School.

Ka Shangpung PHC won da yoh ko T. 2,00,000 ya ki kaam wa bha wa leh ko neibynta ki paidbah wei kani u poisa u pynemkaam wow pynbha pynmiat chooh chooh ya ka PHC.

Ha kani ka sngi leh da em i pynyoo rong (Tableau) na ki tnat sorkar waphær waphær kiwa da pynriam ya ki kari ha kiwa boon rukom yow pynyoo ya ki kaam wa kreh yong ki.

Ya i naam ‘Best Tableau’ da yoh ka District Commerce & Industries Centre, Jowai, wa ar da yohlang ka tnat Horticulture waka Agriculture wa leh won da yoh ka tnat PHE.

Da em leh ki ki chaad na ki dong ka Jowai wa ki skur kamjooh ki College kiwa pynwyrngia ya ki paidbah.