15 49.0138 8.38624 1 0 4000 1 https://wyrta.com 300 0

Phooh ka lehniam Behdieñkhlam ka Raij Mukhla

0 Comments

Jowai : Ynne ka sngi ka Raij Mukhla da pyndep ko ya ka lehniam Behdieñkhlam yong ka heiwa u montri rangbah ka jylla, u Conrad Sangma da wan sakhi u ya ka kam u kongsan, hei emlang u Samlin Malnguang montri ka PHE, ki MLA, u CEM ka JHADC wa ki MDC.

Ka lehniam ka Raij Mukhla da sdang ko nadooh ka Pynsiñ 20 tarik, heiwa da em ka Dorbar Niam wow pyrkhat ya ki wow lai li daiñ ya ki le tylli ki Dieñkhlam.

U MLA ka 2 Jowai, u Wailadmiki hawa e yei klam da ong u wa nachwa ka Behdieñkhlam mut ko wow beh ya ka khlam ka kjut ka roi wei katni won ym mut ko du wow beh ya ka khlam tangwa mut ko leh wow yaleh pyrchah ya ki kaam sih ha ka imlang sahlang kam ki kaam wa man pyrchah ya ki khynthai ki khynnah, i dih pynmuaid wa kiwi kiwi.

U Conrad won kam u kongsan da e khublei u ya ka Raij wa da pyndep ko ya kani ka lehniam kawa man kam chibynta ka dustur riti kawa pynphooh yei man kyrpang ka jylla.

Da ong u leh wa ka Behdieñkhlam riñ ko ya kiwa uiñke suwari ym du na baar jylla tangwa wot na baar ri leh kamjooh katwa kamtæ emkaam wow pynphooh wei wow pynheh ya ka ha ki snem wow wan.

Ha kani ka sngi ka Seiñraij Mukhla leh da ekti leh ya ka dorkhat ha u Conrad heiyatoh wa i emkaam ka Raij khamtam wow pynneh pynsah wei wow kær ya ka Khloo Langdoh Khloo Blai.

Ynne ka sngi ki khon ka Raij da wanrah hadooh 10 tylli ki rong ki rot ha Aitnar. 

0 Comments

Leave a Reply