Phooh ka Lympung wa 21 ka Seiñ Kyntu Seiñ Raij 12 Daloi ha Sohkha

Jowai: Ka Lympung wa 21 yong ka Seiñ Kyntu Seiñ Raij 12 Daloi kawa pynman ha ka 27 wa 28 tarik uni u bnai da man ko kawa phooh wa phieñ wa kawa jop deiwa wan tooid da ki hajar ngut ki khon ka Seiñ Raij wa Seng Khasi na ki tnat Seiñ waphær waphær.

Ha ka 27 tarik ya ka lympung da pyllai da u Mario Biam uwa man kam u President yong ka seiñ wei da yoh leh ya ki kyntien ngooh blai na u Riang Tongper, wei da yoh leh ya ki kyntien pdiang burom na u Phrangsngi Tongper uwa man leh u General Secretary ka Seiñ Raij Sohkha Shnong wei da yoh leh ya i klam wa tbian na u Tiplem Sumer uwa man kam u General Secretary ka Seiñ Raij Mukhla hajrong ka phang ka “Kamram ki nongwankyrpad (Delegate), da yoh leh yei klam tbian na u Ram Papang, Vice Present ka seiñ uwa klam hajrong ka phang ka “Ka jing iaid lynti ka Seng”, da yoh leh yei khana parom wa tbian na u Wanmon Khonglah, President ka Seiñ Raij Sohkha Shnong hajrong ka Phang “ Ka Jingseng ia ka Shnong Sohkha bad ka Niam”, wei da khana leh ya ka kaam niam na u Willing Talang na Seiñ Raij Pammanik chaphang ka lehniam “Knia Hula” wei da yoh leh ya ki kyntien sneiñ kyntu na u Womly Chyrmang na ka Seiñ Raij Jalaphet.

Da em leh ka Quiz Competition wa pynlai da ka Seiñ Raij Tuber, wei ha kani ka Quiz Competition ka Seiñ Shnong Mihmyntdu da jop ko, iwa bood won da ka Seiñ Raij Shangpung katwa yei naam wa le won da yoh da ka Seiñ Raij Shnong Jalaphet.

Kamtæ ka sngi wa bood won, itæ ha ka 28 tarik da sdang heipor 10:30 i step heiwa da pyllai da u Ram Papang uwa man leh u Vice President ka Seiñ Kyntu Seiñ Raij 12 Daloi wei chwa wow sdang ya ka Lympung da yoh ya i pynhær ya ka lama ka Seiñ da ki arngut ki manbei kiwa da heh rta wa kynthup ya ka Thakur Tongper wa ka Bi Tongper yeiwa da pynbood won da i kyntien ngooh blai na u Meliyo Lyngdoh uwa man u Working President ka Seiñ Raij Muthlong heiwa da yoh leh ya ki kyntien pdiang burom na u Tryo Lyngdoh uwa man kam u Treasurer ka seiñ.

Related posts

Ha ka sngi pynkut ya ka Shad Nongkrem wan e kti u Lat ya ka aiñ Hima Khyrim Act, 2024

November 12, 2024

Da pynthymme ya kiwa kitkaam ka Khyrdoh Kur Passah

November 11, 2024

Da pynphooh ya i sdang kani sngi da i rwai pdiang burom na ki khon ka Seiñ Raij Sohkha Shnong wa i chaad tynre na ki tnat Seiñ Raij waphær waphær.

Ha kani ka sngi da yoh i puræ ya ka bui krehkaam namo ka General Report na u General Secretary ka seiñ, u Moses Lyngdoh.

Da yoh i klam i kape na u Kyntiewbor Sohtun hajrong ka phang “Ka jingkyrpang ka jaitbynriew 7 Trep 7 Skum”, na u S.S.T Gashnga hajrong ka phang “ U briew bad ka jingim Katkum ka pyrkhat tynrai” da yoh i klam na u Chui Pohlynjar uwa man leh u Dolloi ka Elaka Nongtalang, hajrong ka phang “I Kordor ka Niam”, kamjooh leh ki kyntien e khublei na u Standbyme Sari uwa man leh u Publicity Secretary ka seiñ.

Da pynkut ya kani ka lympung da i pynhiar ya ka lama ka seiñ da u Vice President yong ka Seiñ Raij Sohkha.

Ha kani ka sngi Seiñ da pynkup burom ko ya ka Bre Dkhar na ka chnong Pasyih, West Jaiñtia Hills District kawa man leh ka tre i yung wa chimwai ka seiñ wow booh ya i yung krehkaam ka seiñ nadooh u snem 2006 hadooh u snem 2018 hei dor wa duna bha.

Da pynkup burom leh ya kawi ka manyung ka Seiñ Raij Sohkha kawa da wan uiñ biang cha ka Niamtre.

Ha kani ka sngi da emlang leh u Stephanson Mukhim uwa man kam u MLA warim ka thaiñ, u Holando Lamin uwa man leh kam u MDC ka thaiñ, wa kiwi kiwi.