Jowai: Wow yoh yei mon i khe ki Blai ki Syiem kamjooh wow yoh ki khon ki rayot ka Raij ka chnong yei chongsuk chongsaiñ, i miat i bha, i roi i paar liang wanang ki khon ka Niamtre hapoh ka Raij Mynsoo dachim ki wow pyndep ya ka lehniam Beh Kynphui næ Beh Khlam.
Ynne ka sngi hadien wa pyndep ya i lehniam na yung Langdoh heipor noh chariñ ka sngi ki khon ka Raij da mih ki wow lai cha Madan Myrneiñ wow pyndep ya ka Kñia Syiem Khlam Syiem Dait.
Heipor wa lai cha Madan Myrneiñ ki khon ka Raij da mih yonglang ki dei chaad i kmen chirup wei kieh i ood ka bom ka bhuri wa skem i mynsien wow pyndep ya ka niam ka rukom.
Ya kani ka lehniam ha uni u snem dawan leh wow sakhi lang da u Dolloi ka Elaka Jowai u Puramon Kynjin wa kiwi kiwi.
Discussion about this post