15 49.0138 8.38624 1 0 4000 1 https://wyrta.com 300 0

Phooh pheiñ ka Lympung ki Khynnah Seng Khasi-Seiñraij ha madan Shad Weiking

0 Comments
Advertisement ad1

Jowai: ka Lympung ki khynnah Sengkhasi Seiñraij toh kawi na ki rukom yachemlang wa chisien chisnem yong ki diahkhian ka Ñiamkhasi-Ñiamtre, kam wajooh man na ki snem cha ki snem, ha uni u snem leh ya kani ka rukom yachemlang da pynman kyrpang hapoh ka Hima u Syiem Mylliem kam chiwynta wow lehkmen yei kynjoh 50 snem i lai luti ka Seng Khynnah Seng Khasi Kmie, Mawkhar. Kani ka Lympung ki khynnah Sengkhasi Seiñraij daman ko ka sien wa 14 heiwa da pynman ya ka ha madan Shad Weiking, East Khasi Hills District nadooh ka sngi Muchai 19 tarik u Duiatra wei pynkut wan ya ka, ha ka sngi Pyngkat 20 tarik yong uni hi u bnai.

Ha ka sngi wa ar ya ka Lympung da sdang deiwa e kti ya ka Dongmusa da u Akbar Synteng Nongdhar na Seng Khasi Mylliem ha u Donboklang Mairom, Seng Khasi Kmie Mawkhar Shillong hadien wan neitae pynbood i thang ya u dongmusa kam ka dak i sdang yong kani ka Lympung. 

Advertisement ad1

Ya ki bynta yong kani ka Lympung ha kani ka sngi da pynlai da ka Bahun Syiemlieh wa u Eddie Syiemlieh heiwa da kdar luti ya ki bynta wa chakhmat yong kani ka Lympung dei Ngoohblai Ngoohsyiem katwa ya ki kyntien pdiang burom da e da ka Iadeibha Kharakor, Seng Khynnah Seng Khasi Kmie Shillong.

Ki arngut ki khynnah kiwa da yein wow e yei klam i kappe ha kani ka Lympung toh ka Dakawanhai War, Shlemhikai Tynre Seinraij Jowai kawa da klam hajrong ka phang wa ong,      “Ki hukum-adong u Trekirot ” wa ka Anthia Jana, Seng Khynnah Sengkhasi Mawlai Shillong kawa da klam ha jrong ka phang wa ong “Sara ha la Thymmei” katwa u waheh Spiton Kharakor Adviser Sengkhynnah Sengkhasi Kmie Mawkhar yeiñ u wow pynsñiaw yei parom wa tbian i lai luti ka Sengkhynnah- Sengkhasi Mawkhar ha ki 50 snem.  

Ka Dakawanhai War hei kdar wow klam ya ka phang, da khut kyrsu kyntu ko ya ki para khynnah wow man ki, kiwa tip u burom ya ki hukum- adong u Trekirot wei u burom leh ya  ka Bei, u Pa wa ya ki waheh wasian waroh hi eh, neitae wan pynkut ko leh yei klam yong ka deiwa pachat ki kyntien e mynsien ya ki para khynnah kiwa ong ko kamni nae, “ Sarong la ka jong- Lawei phyrnai ha ngi ka shong. Na ïing ha kur, ha Raij ha Shnong, Hima bad Elaka-Tynrai la jong, to pynneh pynsah bad ieng pyrta”.

Da pynkut ya kani ka Lympung da ki kyntien sñiawngooh na ka Dalina Nongkynrih, Sengkhynnah Sengkhasi Kmie, Mawkhar pynbood won sa i ekti ya ka dongmusa na u Donboklang Mairom ha u Pyndaplang Sawkmie, Seng Khasi Lawbah Mawsaynram kawa man ka chnong wow pdiang ya ka Lympung wa 15 iong ki khynnah Sengkhasi-Seinraij ha u snem 2020 neitæ wan pynbood ki kyntien kyrkhu khyrdooh-kitbok kitrwiang ya kani ka Lympung wei pynhiar ya ka lama da u waheh D.K.Dkhar, President Sengkhasi Kmie Mawkhar, Shillong. 

Nalor ki wa boon walang, ya kani ka Lympung dawan wow sakhilang leh da u Mohendro Rapsang, MLA, Shillong West Constituency, uwa da pynlait paidbah leh ya ka Thup Sahkynmoo yong i kynjoh 50 snem ka Seng Khynnah Seng Khasi Mawkhar hei emlang u Wailadmiki Shylla, MLA Jowai Constituency, u Adelbert Nongrum, MLA, Jaiaw Constituency deilang kiwi kiwi kiwa yahkhmat yong ki tnat Sengkhasi-Seiñraij. 

Advertisement ad1

0 Comments

Leave a Reply