Phooh phieñ i pynkut ya ka lehñiam Behdieñkhlam 2024 ka Seiñ Raij Mukhla

Ka lehñiam Behdieñkhlam 2024 ka Seiñ Raij Mukhla dapoi cha wakut ynnin ka sngi hapyrdi i pynthut u slap wa joor tangwa ka lehñiam da man ko kawa jop kawa lai bait.

Ya ka lehñiam pynkut da sdang nadooh 6:00 waje i step ha Yung Blai Yung Langdoh da ka ngooh ka dem wei neini won da lai mih kñia ki Waheh Sankur hapoh i yahkhmat u Pa Langdoh cha duwan kñia hapoh Khloo Blai heiwa da pyndep ya ka Lehñiam Kñia da u Maji Niam ka Raij Mukhla.

Hadien ini, ki khon ki paaid ka Seiñ Raij Mukhla da ya mih ki yow rah jar jiar ki rong ki rot yow pynpoi ya ki ha madan Ryngkaw ha Slot Masi heipor 1:00 waje i sngi neitæ won u Pa Lyngdoh chirup wa ki Waheh da lai li tympat ki ya ki 3 tylli ki Dieñkhlam Blai na Tihkyndaw, Madan Slot Masi yow rah ya ki cha Aitnar.

Ha kani ka sngi pynkut da wan sakhi kam u kongsan da u Kyrmen Shylla uwa man kam u Montri sorkar deiwa emlang u MLA ka thaaiñ, u Wailadmiki Shylla, u Sniawbhalang Dhar, Symbood Montri Rangbah, u Lasky Rymbai, Deputy CEM JHADC, ki MDC wa kynthup ya u Lakhon Dkhar, u J. Treilang Suchaing, u Lakhon Dkhar, u Ailad Bhoi, u Principal ka skur Jawahar Navodaya Vidyalaya (JNV) Mukhla, u President ka Seiñ Raij Ialong, u President ka Seiñ Kyntu Seiñ Raij 12 Dolloi, u President ka Seiñ Raij Muthlong, u General Secretary ka Seng Khihlang, u General Secretary ka Seiñ Raij Jowai, u Dolloi ka Elaka Jowai, u Dolloi ka Elaka Nangbah wa kiwi kiwi de kiwa chah khut sñiawbha.

Related posts

Da rah tarik ya ka General Meeting ka Kur Sana kawa daw pynman ha Jowai

May 7, 2025

Ym chah ya kiwa wan dai baam ha ka Chaad Sukra ka Seiñraij Chnong Tuber Kmaichnong

May 3, 2025

Ha kani ka Behdieñkhlam da wanrah 14 tylli ki Rot ki Rong na ki dong waphær waphær kam ka Dong Wahchnong, Mootepkhla, Nieñchnong, Lumpohchnong, Lumtyrnap, Moolebnai, Treksiar na ka Princess Driver Association Mukhla Nongrim, na ka seiñ ki Mistri Mukhla Nongrim, na ki khynroo ka chnong Mukhla Nongrim, na ka Dong Iawthmblein Ladmukhla, na ka chnong Mukhla Chohchrieh, na chnong Mukhla Umlangshor wa na u Pa Dolloi ka Elaka Nangbah uwa da chimbynta u rah ya u rot ki Nangbah kam chibynta u yalehkmen leh sñiawbha chirup wa ki khon yong oo hapoh ka Elaka Nangbah.

Da wan leh wow sakhi ya kani ka sngi pynkut ya ka lehñiam Behdieñkhlam ka Seiñ Raij Mukhla da ki khon ki Seiñ Raij waphær waphær kiwa em hapoh ka Ri-loom Jaiñtia Ri 12 Dolloi.