Jowai: Ynnin ka 30 tarik ka Khliehriat Presbyterian Higher Secondary School da pynman ko ya ka “Food Fest Cum Sale Work” heiwa u montri ka sorkar jylla uwa man leh u MLA ka thaaiñ, u Kyrmen Shylla da man u kam u kongsan.
Ha kani ka sngi chwa u wai ya kani ka yaw da em ka yalang heiwa u C. Rymbai da man u kam u chongknor wei da yooh i klam na u Principal ka Jaiñtia Eastern College, u Dr. Phervision Nongtdu.
Hei klam yong oo da pynsñiaw u yei mynsien wa kmen wa khroo wa ka skur da pynman ko ya kani ka yaw heiwa ki khynnah skur da yoh ki u pynyoo ya ki sap yong ki ha i chna tiar.
U Kyrmen hei klam da yaroh u ya ka skur wa da pynman ko kam kani ka jait programme neibhah emkaam u pynyoo cha ka pyrthai yeitæ i baam tynre yong i khnang u tip ka pyrthai yei mahajon ka jaitbru.
Da pynchlur u ya ki khynnah wow mih ki chakhmat ha waroh ki liang khamtam hei puræ puthi khnang wow ye u rah burom ya ka District wa ka jylla hi waroh kawi.
Chooh chooh da kyntu u ya ki bei ki pa ki khynnah kamjooh kiwa sikai wow hikai bha ki ya ki khynnah ym du hei stat i tip tangwa wot ha ka burom akor.
Ha kani ka sngi da yoh yei rwai pdiang sñiawbha na ki khynnah ka skur wei da pynkut ya ka yalang da ki kyntien khublei na u K. Bareh.
Discussion about this post