15 49.0138 8.38624 1 0 4000 1 https://wyrta.com 300 0

Yah luti ka Seiñ Kynjei wow yada ya ka rymaw kam ha kini ki por sñiawbha

0 Comments
Advertisement ad1

Jowai: Ka Seiñ Kynjei kam chibynta yong i kreh wow yada ya ka rymaw ynne ka sngi da pynman ko ya ka Cleaning Drive namo i pynkhooid yonglang ya ka chong ka thaw.

Ya ini i pynkhooid da pynman ha tymbud u sarok na Lekyrnah hadooh Treriat (Pohkhyllem), Jowai.

Ka Seiñ Kynjei toh ka seiñ ki chi lok na Jowai kiwa em i mynsien wow e chakri paidbah sñiawbha deiwa noh kyllooid mynsien na jar jiar i bor yong ki.

Neiliang ka seiñ da ong ko wa ini i pynkhooid man i kam chibynta i kaamram yong uwi pa uwi u dkhot wow pynkhooid wei wow yada ya ka rymaw.

Chooh chooh ka seiñ da kyntu ko ya ki paidbah wow em ki i kitkhlieh wow dam u noh habra ya ki yusong baam (Food Packet) ki klong wa kiwi kiwi neibhah kani ka thaw man ko ka thaw wa kyrpang ya waroh ki khon ka ri-loom Jaiñtia.

Ha kani ka pynkhooid da embynta lang leh ki waheh ka chnong kam u waheh chbong ka Panaliar, u RQ Laloo, u Secretary ka VDP u M. Rymbai wa kiwi kiwi.

0 Comments

Leave a Reply