15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Phooh phieñ ka Shad Suk Mynsiem ka Seng Khasi ha Shillong hapyrdi i pynthut ka khlam COVID-19

Ka Seng Khasi Seng Kmie ynne ka 12 tarik da pynkut noh ko ya ka Shad Suk Mynsiem wa 110 ha Lympung Weiking, hapyrdi i phooh i phieñ hanla pynthut ka khlam COVID-19, deiwa hap bood ya ki kyndon wa da booh ka chnat i chait i khiah ka sorkar jylla. 

Ha kani ka sngi da sakhi wa kiwa kitkaam ka Seng Khasi Kmie da phah wei da booh ko ya ki bru wow pait khnang wow em i bood ryntih ya ki kyndon nadooh na khilon wow psiah cha ka Madan Weiking.

Hapyrdi i pynkrehkaam ya ki kyndon da chem wa kiwa chimbynta kiwa chaad ha kani ka sngi kut da em ki kamwa 597 ngut kiwa chaad kiwa kynthup ya 284 ngut ki chynrang wa 313 ngut ki kynthai.

Ya kani ka ‘Shad Suk Mynsiem’ da wan sakhi leh da u Symbood Montri Rangbah ka Jylla, u Prestone Tynsong, u MLA ka BJP na South Shillong, u Sanbor Shullai wa u MLA ka KHNAM na North Shillong, u Adelbert Nongrum wa kiwa kitkaam ka seiñ. 

U Rangpher Rynjah da ong u wa lyngba ka Shad Suk Mynsiem da tipmit ya ki dak tre ki khon Khasi wei iwa ye leh u pynyoo cha ka pyrthai i mahajon i tynre yong ka jaitbru Khasi. 

Da ong u leh wa man ko ka chaad engooh ya u Tre Kynrad uwa da theh i kyrkhu liang wanang iwa man chibynta yong ka lehniam.

Share this:
Previous

26 ngut kiwa dang yoh wa 23 ngut kiwa chait na u COVID-19 ha Meghalaya

Next

Ha ki yalang Election ym ye wow khang yei wan ki paidbah: Prestone