Hei janmiet yong ka 10 tarik uni u bnai, ka kari sorkar wa pynemkaam da ka Montri kawa man leh ka MLA na East Shillong, ka M Ampareen Lyngdoh, da chah thombor ko ha ki damok wym tipmit katwa dang thmu ko wow liwan cha yung deilang kiwa ha-yung ha-sem ko.
Kani ka kari kawa em ya u Number ML-01- 0011 da chah thombor ko hajan ka Greenhill Restaurant ha luti wa lai cha 4th Furlong, Shillong, tangwa da embhah wa ha ini i jia ym em kiwon kiwon kiwa mynsoo neibhah heipor wa jia ym em chong ki hakhmat lait noh uwa yah kari heiwa ka yit kawa neiliang tidiang da pra ko phrai.
Ini i jia da pynkhyrngiat ko ya waroh khamtam ya kiwa chong ha katai ka kari kiwa da tieñ wei khian mynsien, neibhhah ka yit kari kawa nakhmat da piah ko wei da haap lut cha madan.
Da suba wa ini toh deiwa em kiwa kawang da ki tiar wa eh wa khia.
Hajrong ini wa jia, neiliang ka Ampareen ha ka 11 tarik da lai ko wow ujor FIR ha Laitumkhrah Police Station yeini wa jia.
Katkam ka khubor wa yoh lum da ong wa ini wa jia da pynkhyrngiat wei da pyntieñ i ya waroh kiwa ha-yung ha-sem iwa da man leh i daw wa slem wow lai ujor cha ki pulit.
Neiliang kiwa ha-yung ha-sem ka Montri hadooh kattæ dang sah ki hei doom neidaw wym tip wa da em wa leh khnang deiwa mang ya ka næ ini toh-ti-toh donhi deiwa em heipor wa i ha i ini i thaw deiwa sihbhah.
Discussion about this post