Ha iwi i jia ya tyrrah kari iwa da jia ynne i miet, kawi ka kari Maruti 800 kawa em Number ML-04B- 6931 da lai psiah ko kluk ha dien kawi ka Truck wa em u Number ML-10M-1007 kawa dang yieñ ha rood sarok.
Katkam ka khubor wa da yoh, ini da jia i heipor 8:00 waje i miet heiwa kani ka kari Maruti wa kit satrooiñ kawa lai lyngba u sarok Service Lane ha ki bynta yong ka chnong Mawdiangum, Ri-Bhoi District heipor wa dang ku ko cheiliang Shillong, da lai tyrrah ko nadien kani ka Truck wa kit siej kawa pynyieñ ha rood sarok Service Lane.
Da suba wa ini da jia i neidaw wa uwa yah ya ka kari Maruti da synthiah u hadooh wym yoo de u ya kani ka Truck wa yieñ ha rood sarok.
Uni uwa yah Maruti da mynsoo u heini wa jia wei da pynkit noh ya oo cha ka thaw sumaar wei ka kari da pra ko phrai na i bynta iwa nakhmat.
Neiliang ki pulit ka Nongpoh dapoi ki ha kani ka thaw yow pynman yei takit.
Discussion about this post