Phrat ka kynthai ya u chynrang wa kaap ka na khlieh

Jowai : Ynne i janmiet heipor kamwa 6 waje ha harood u sarokbah NH 44 hajan Mihmyntdu da yoh u sakhi ya ki paidbah wa lang ki harood sarok.

Hei yaklam wa ki paidbah da ong wa da em i yachoh yadat hapyrdi kawi ka kynthai wa u chynrang ha iwi i dukan wa em hajan i laad bypass na Thadlaskeiñ cha Soomer.

Neiliang kani ka kynthai da ong ko wa hapyrdi wadang chongke ko ha iwi i dukan uwi u bru uwa dih beer da kaap u nakhlieh yongka syndet syndet khlem iwon iwon i daw iwa da pyntakha yei mynsien yongka.

Dei mynsien wa chrai kani ka kynthai da khyrrup wei da phrat ko ya uni u bru uwa da mih sadu ki kha phrat kha khloh cha khmat wei cha rdang yong oo weiwa kani ka kynthai da kynnoh ko wa uni u bru da dait uka cha ryngkhi yongka.

Related posts

Lai kjat ki waheh wa ki khynnah na Dkhiah West chadooh cha u mot u Kiang Nangbah

March 23, 2024

Pynphooh ka Loompyrdi Iongpiah ya ka sngi ki kynthai deiwa pdiang burom ya ka Ridamaya

March 8, 2024

Neiliang u chynrang da kynnoh u wa kani ka bru syndet syndet da knieh ko yow klong beer wa dih u wei da tympiah ko oo khlem daw heipor wadang em ko wa u kurim yong ka.

Kani ka kynthai da ong ko wa u kurim ko katwa toh u khyriam hei tieñ da yut u neini i thaw.

Ki paidbah da ong ki wa kani ka kynthai da sah ko heini dukan nadooh ynnin i miet wei ynne hadien wa wan u kurim ko da em i yakajia ki, wei u kurim ko da yut u heiwa kani ka kynthai da knieh ko yow klong beer na uni u bru wei da dih wei synngait ko yow klong. Hadien ini uni u bru da mih u neini i thaw wei kamwa mih chalait da kaap u ka na khlieh iwa da pynchrai ya kani ka kynthai kawa da yieñ wow khyrrup oo heitæ i por da dung ki bilor ka na kjat.

Hadien ini da wan poi ki pulit na ka Jowai Police Station kiwa da kit ya pynar ngut kini ki bru wei da yah ya ki cha Jowai Civil Hospital heiwa hadien wa leh ya ki test da ong wa pynarngut da muaaid ki.

Heiyatoh weini ki pulit dang pynman ki yei takit.