Ka KSU Narpuh Circle da pynsñiaw ko yei phylla wa hadien 5 sngi wa chah rahbor kawi ka khynah kynthai kawa naka thaaiñ khappood ka East Jaiñtia Hills ha uwi u dkhar Muslim, neiliang ki pulit ym pu em chem ki ka hadooh katni leh.
Ka seiñ da pyntip ko wa katkam wa dang dep pyntip na kiwa ha-yung kani ka khynnah, da yoh ko wow Phone cha ki tangwa lyngba u WhatsApp donhi wei hawa kylli cheiwon em ko, ym tip ko cheiwon i thaw wa em ko.
Da pyntip leh wa da phah yang ya kani ka khynnah da ka bei wa u pa uni u bru wei da paan u leh ya u Aadhaar yong kani ka khynnah wei ymtip iyi i daw.
Ka kurim tre yong uni u bru kawa em ha Kalaiñ, Lower Assam da ong ko wym em rahbor u ya kani ka khynnah wei boi daw pynuiñ biang u ya kani ka khynnah.
Hawa kylli na u SP ka District, da ong u wa da yaklam u wa u SP ka Cachar, Assam yow chem heiwon da ksoh uni u bru ya kani ka khynnah wei katkam ka takit yong ki da chem na ki kot ki sla wa kani ka khynnah toh kawa 19 snem i rta.
Puræ leh: Chah rahbor kawi ka khynnah kawa na East Jaiñtia Hills ha uwi u bru cha Assam
Discussion about this post