• About Us
  • Contact Us
  • Privacy Policy
  • Advertise With Us
  • Terms & Conditions
Saturday, May 10, 2025
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
  • Home
  • Politics
  • Culture
  • Opinion
  • Sports
  • Crime
  • Life
  • English
  • Entertainment
  • Guest Writer
No Result
View All Result
Wyrta
No Result
View All Result
ADVERTISEMENT
Advertisement Advertisement Advertisement
Home Politics

Piah ka UDA ha KHADC du neidaw ka T.52 klur: Lambor Malniang

Wyrta Staff by Wyrta Staff
May 1, 2019
Reading Time: 4 mins read
A A
0
Share on FacebookShare on Twitter

Shillong: U Lambor Malngiang, MDC samen na Nongkrem Constituency, da pynbaad u wa ka Executive Committee hapoh i yahkhmat u Teinwell Dkhar kam u Chief Executive Member ka Khasi Hills Autonomous District Council (KHADC), ym ap ko yei yumut wa pachat wa tyrwa ki MDC khamtam heiyatoh wa i yabhah ya ka T. 52 klur na ka Special Assistance Grant ka sorkar pyrdi iwa da pynman ya kiwa boon wow randien ki nei kyrchaan ya ka United Democratic Alliance (UDA).

Ki 6 ngut ki MDC wa radien wow kyrchaan kynthup ki ya u Lambor Malngiang, uwa man leh u MLA ka Nongkrem, u Gigur Myrthong, MDC ka NPP Mawshynrut Constituency uwa man leh u MLA kani ka Constituency, u Mitchell Wankhar, MDC ka NPP na Laban-Mawprem, u Latiplang Kharkongor, MDC samen na Nongthymai, ka Macdalyn S Mawlong, MDC ka PDF na Umsning Constituency wa u Victor Ranee, MDC ka NPP na Jirang kiwa da phah chithi ki wow dam u kyrchaan ha u CEM ka KHADC u Teinwell Dkhar.

Ya ka United Democratic Alliance (UDA) wa synchaar ha KHADC da chna da ka Regional Democratic Alliance (RDA) wa kynthup 7 ngut ki MDC ka United Democratic Party (UDP), 2 ngut na ka Hills State People’s Democratic Party (HSPDP) wa ka People’s Democratic Alliance (PDA) kawa kynthup leh kawi ka MDC ka PDF na Umsning, 2 ngut ki MDC samen, 7 ngut na ka National People’s Party (NPP).

Da ini i da i kyrchaan kini ki 6 ngut i em bru ka UDA da hiar i cha 13 ngut wei ympu em iwon iwon na kiwi ki MDC kiwa em ha ka PDA kam u Pynshngain N Syiem, uwa man u Chairman ka KHADC, u Pynïaid Sing Syiem, Dy CEM, u Rangkynsai Kharbuki wa u Alvin Sawkmie, Dy Chairman (waroh na ka NPP) ladang kyrchaan ki namo ym em de ya ka UDA. Kam wow kdaw heini ka Congress kawa chong ha ka liang pyrchah em ko 10 ngut ki MDC.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Hadien wa chna ya ka UDA kawa sariem wa ka sorkar jylla ka Meghalaya Democratic Alliance (MDA), uni u MDC da ong u wa sñiawkmen ki wa em ki ha ka liang synchaar ha ka Council kamjooh ha jylla tangwa mar mih ka bhah mang tyngka kawa T. 52 klur lyngba ka Special Assistance Grant, ka Executive Committee pathan hapoh i yahkhmat u Teinwell Dkhar kam u CEM ym mano de ko ya i yumut na kiwi ki MDC.

Da pynrap u deiwa ong “Ym khang u yei pynkrehkaam ya ka poisa tangwa sñiawsih wa hadien won neiliang ka EC da khut yalang ko khlem pachat yumut wa kiwi kiwa em hapoh ka UDA. Kamtæ iyi u myntoi ya i wow em ha ka liang synchaar ka wym ap ya ki yumut wa pachat na kiwi, wei ini pynbor i ya i wow dam noh u kyrchaan ya ka UDA”.

Hajrong ka luti wa bood lada u kyrchaan lang ki ya ka Congress wow chna ya ka Executive Committee wa thymme ha KHADC, u Lambor Malngiang, Chairman ka PDA da ong u wa ya katni hi hanlada em i pyrchang wow krehlang neiliang ka Congress tangwa ya ka rai hi daw chim lang da ki MDC kiwa em ha ka PDA wa kiwi kiwa em ha ka PDA leh boi daw dam noh ki u kyrchaan ya kani ka sorkar hapoh ka Council neibhah wa ha ka synchaar paidbah em bait ka liangsynchaar wa ka liang pyrchah.

ShareTweetSendShare
Previous Post

Mih ka rai wow dawa pynkrehkaam ya ka UNDRIP wow yada ya ki khian paaid ka thaaiñ

Next Post

I daw wa dam ki MDC u kyrchaan toh wym hun ki ya ka poisa wa da saam ya ki MDC: Teinwel Dkhar

Next Post

I daw wa dam ki MDC u kyrchaan toh wym hun ki ya ka poisa wa da saam ya ki MDC: Teinwel Dkhar

Discussion about this post

Wyrta

© 2025 WYRTA Khubor Hei Ktien Pnar

Navigate Site

  • About Us
  • Contact Us
  • Privacy Policy
  • Advertise With Us
  • Terms & Conditions

Follow Us

No Result
View All Result
  • Home
  • Politics
  • Culture
  • National
  • Sports
  • Life
  • English
  • Guest Writer
  • Entertainment

© 2025 WYRTA Khubor Hei Ktien Pnar