Ki ar tylli ki jhaad kit phñiang (crude oil) na Iran da poi ki ha India wei ini man i ka sien wa nyngkong wa poi i phñiang na Iran ha ka ri hadien kamwa 7 snem.
Kini ki jhaad kynthup ki ya ka Felicity kawa pynlai da ka Iranian Tanker Company, da poi ko ha Sikka harood duriaw ka Gujarat kawa kit hadooh 2 million barrel i phñiang na Kharg Island.
Kawi won ka jhaad toh ka Jaya kawa da poi ha Paradip harood duriaw ka Odisha wei kani leh kit ko kamwa 2 million barrel i phñiang na Kharg Island.
Ini man i ka sien wa nyngkong hadien 7 snem wa poi i phñiang na Iran hadien wa khang ka USA yei khayi pateiñ ka Iran namo wa pynkrehkaam ya ki sanction.
Kam wow kdaw heini ka United States da pynlait ko ya ka Iran wow khayi phñiang ha u March wei ini i pynlait toh neibynta chi bnai donhi.
Hadien won wa sepai i klam yasuk ka Iran wa USA, ka USA da pynbna ko wow khang ya ka Strait of Hormuz dei thmu wow kset yei khayi phñiang ka Iran.
Discussion about this post