Ka District Level Inter-School Subroto Mukherjee Cup 2026, wa pynman da ka yung krehkaam ka District Sport Officer (DSO), East Jaiñtia Hills District dapoi noh ko cha wakut ynne ka sngi ha East Jaintia Hills District Sports Association (EJHDSA) Football Ground, Dienchynrum, East Jaiñtia Hills District.
Ki yalehke wa da pynman toh ki yong ki Under 15 Boys, Under 17 Boys wa Under 17 Girls.
Ka Step By Step Secondary School da jop ko ya ka Under-15 Boys, ka Wapung Higher Secondary School da jop ko ya ka Under 17 Boys katwa ya ka Under 17 Girls da jop da ka Lotus Secondary School.
Ka Step By Step Secondary School da jop ko deiwa pynrem ya ka Musniang Secondary School da 1-0.
Ka Wapung Higher Secondary School da pynrem ko ya ka Sein Raij Tuber Higher Secondary School da 4-3 deiwa yachut Tie-Breaker,
Ka Lotus Secondary School da jop ko ya ka Khliehriat Higher Secondary School da 2-0.
Yei naam Best Goalkeeper da yoh u Wanbanshan Lamare na ka Step By Step Secondary School neibynta ka Under-15 Boys, u Redeemingson Phawa na Wapung Higher Secondary School da yoh u neibynta ka Under-17 Boys katwa ka Haphisuk Lyngdoh da yoh ko ya ka Lotus Secondary School ha ka Under-17 Girls.
U Daowan Rymbai na Musniang Secondary School da yoh u yei naam Best Player ha ka Under-15 Boys, u Jefferson Phawa neibynta ka 17-Boys wa ka Saphapaya Lyngdoh ha ka Under-17 Girls.
Discussion about this post