Kiwa lai puræ ka Lovely Professional University da pynman yakhih ki nadooh i miet ka 26 tarik hadooh ynne ka sngi heiwa da chah tympra kiwa boon ki bynta kani ka chlem e sikai hadooh wa poi chei ya tyngkhooh wa ki pulit wei i chah thang kari.
Da mih ki leh hadooh wow khang ya u sarok National Highway du neidaw wa poor ka khubor wym tikna wa em kawi chah slaitbor hapoh ka Campus ha uwi u bru uwa kreh.
Ha ini wa jia da em leh ki pulit kiwa da mynsoo katkam wa pyntip u SSP Jalandhar Harvinder Singh Virk wei kamjooh ki kari pulit kiwa da chah ktah.
Da pyntip u leh wa dang takit yow tip sakhiat lada em kawa chah slaitbor heiwa ki pulit leh ym pu tip ki kayi wa chah slaitbor tangwa da em kiwa booh FIR khlem da em mih i pyrtiud yong uwon uwon uwa chah pynbaad.
Neiliang ki bor ka University da e laad ki leh ya kiwa pynman yahih wow pait ki ya ka CCTV kamjooh da chah leh wow lai ki cha ka kamra wa da suba wa jia ini.
Neiliang ki bor ka University da pynmih ki leh yei Video yow pynche yeini heiwa da pynyoo leh ki kynthai kiwa sah ha ini i kamra kiwa da khana wym em jia iyi iyi ya ki.
U Dean ka University da ong u wa waroh ini toh du neidaw wa em wa pynypoor ya ka khubor thok donhi wei ye u man leh wa em kiwa da sooh buit yow leh yeini waroh.
Da suba leh wa da em ki bru kiwa na baar ka University kiwa da wan wow tympiah tympra ya ki tiar ki tar ka College.
Neiliang u DIG Jalandhar Range, u Naveen Singla da ong u wa boon kiwa puræ kani ka University da khang ki ya ka National Highway heipor 2:00 waje ynne i step hajrong i pynbaad wa chah slaitbor kawi kynthai hapoh ka G3 Hostel iwa da jia le sngi nachwa.
Da ong u leh wa da Register ya ka FIR tangwa ym em pyrtuid u bru uwa chah pynbaad heiwa i pyrtuid ka kynthai wa chah slaitbor leh ym tip.
Hanla kattæ leh da ong u wa ka takit dang lai ko chakhmat.
Discussion about this post