theme-sticky-logo-alt
theme-logo-alt
Advertisement ad1
Advertisement ad1
Advertisement ad1
Advertisement ad1
Advertisement ad1

Poi i kaam noh-jhep chawa yasuk, u pynemkaam ya ka Mynkjai sa 3 bnai donhi

Advertisement ad1

Hadien wa mih i awri awra ha kini ki sngi wa dadep heiyatoh wa i jhep ha Jowai iwa da poi chadooh u pood wow khang ya ki paidbah na ki chnong ka thaaiñ Mynkjai wow wan cha Jowai da ka Synjuk ki Waheh Chnong Jowai, ynne ka sngi da pyndam noh ya ini deiwa pyndam noh ya ka Quit Notice ya ki 9 tylli ki chnong wa kynthup ya ka Khasi Student Union KSU War Jaiñtia wa ya ka Synjuk ki Waheh Chnong War Jaiñtia. 

Ya ini i rai da chim hadien ka yalang sñiawthooh yumut hapyrdi kini ki ar liang ha Enowell Hall Amlarem heiwa ki chnong kiwa da pyrchah yei noh jhep ha Mynkjai wa kynthup ki ya ka Mupyut, Moosakhia, Umsalang, Madantyrpait, Shkenpyrsit, Muphlang, Pynthor Langteiñ, Samanong wa ka Mustem.

Hadien ka yalang neiliang u President ka Synjuk ki Waheh Chnong Jowai, u Alan Niangti da ong u wa ka Synjuk da dap ko dei kmen heiwa ini i kaam da poi i cha i sñiawthooh yumut heiwa da chah biang wow noh jhep ha Mynkjai kamwa 3 bnai deiwa bood ya ki kyndon ka NGT.

Da ong u leh wa man i iwa emkaam bha wow kreh chirup neibynta i bha i miat yong ka Ri-loom Jaiñtia liang wanang khamtam ha i roi i paar.

U Daniel Khongsit uwa man u President ka Synjuk Waheh Chnong War Jaiñtia da ong u wa i daw wa pyrchah ya i lai noh-jhep ha Mynkjai da mih i nadooh ki snem wa dadep neidaw wa da mih ki jakhlai wa i sma iwa daw ktah ya i chait i khiah ki bru wei ha uni u snem da pynman noh da i mih paidbah wow pyrchah ya ka JMB wa JHADC wow lai noh-jhep ha ini i thaw.

Da pyntip u leh wa ynne i step da em i pynbait ya ini i kaam ha Mupyut wa ki bor District nadooh u Deputy Commissioner, u MLA ka thaaiñ, u Lahkmen Rymbui uwa man leh u montri sorkar wa ki Waheh Chnong ki 9 tylli ki chnong wei da rai wow chah sa kamwa 3 bnai wow noh jhep biang ha ini i thaw dei kyrmen wa ka sorkar u chimkhia ko wow thooh ya i thaw iwa paka neibynta ka mynried yong ka Ri-loom Jaiñtia waroh kawi. 

Da ong u wa ka Jowai man ko kam ka bynta wa kongsan ya ka Ri Jaiñtia heiwa waroh kyruiñ ki cha ka wei lada kani ka Headquarter tngit ko, tæ daw man i sarom ya waroh lang. 

U Waheh Chnong ka Mupyut, u Chanki Kyndait da ong u wa da mih i pyrchah toh wa da ya soi soskular sop sop nachwa hapyrdi ka Jowai Municipal Board wa ka Jaiñtia Hills Autonomous District Council khlem da pyntip cha ka Dorbar Chnong iwa da pynchrai ya ka chnong, da ong u leh wa ka JMB da noh habra ko ya i jhep ha ki luti syngkieñ wot cha ki hali yong ki bru. 

Share this:
Previous

Pynhær ya ka lama ka ri deiwa emburom, ong u DC

Next

Hadien wa chah rah, thmu wow kit nyngkong ya ki khon u Cherishsterfield cha Khliehriat