Jowai: Ka 5th Khulu Malang Memorial Football Tournament 2019 yong ka Jingiaseng Samla Pala District da poi ko cha wakut ynne ka sngi.
Ha kani ka sngi da wan sakhi leh da u MDC ka Bataw Lakadong u Dr. Sankey S Shangpung uwa man leh u kongsan, uwa da e ya ki ktien kyrkhu kyrdoh ya ka District wow nang ku nangroi ko chakhmat ha i chakri ya u Blai da i tieñ i burom.
Da emlang leh u Nangpoi Paslein uwa man kam u symbood kongsan, deilang wa kiwa yahkhmat ka balang hapoh yong ka District.
Ya ka yalang da pynlai da u Rev. D H Malang uwa man kam u Pastor In-charge.
Ha ki yalehke pynkut da pynman hapyrdi ka Jingiaseng Samla Balang Presbyterian Lakasein pyrchah ya ka Jingiaseng Samla Balang Presbyterian Kseh. Ka Jingiaseng Samla Lakasein da jop ko ya ka Jingiaseng Samla Kseh da 2-0.
Ya kiwa jop ha kani ka Tournament daw lai chimbynta ki cha ka ka Tournament wa pynlai da ka Sutnga Presbytery.
Ha ka Penalty Shoot Out, neiliang yong ki kynthai, ka Jingiaseng Samla Balang Presbyterian Madan Pohkseh daw lai chimbynta ko cha ka Sutnga Presbytery.
Discussion about this post