Jowai: Ynnin ka sngi ka West Jaintia Badminton Association, Jowai da pynhiar pyrda ko ia ka 6th District Open Badminton Championship kawa da sdang nadooh 11 tarik hadooh 19 tarik iong uni u Naikhynde. Hei kani ka iakob ki nongialehke kiwa wan chimbynta da em haroh kiwa da jooh ioh u lai mihkhmat ia ka jylla.
Ha kani ka sngi da em leh u ma J. M Pohsngap President ka WJDBA, u ma F. K Laloo Rangbah Chnong iong ka dong iongpiah u wa man kam u symbood kongsan, u kongsan won toh u ma P. Synnah SDO PHE Department.
Kiwa jop wa kiwa rem ha kani ka iakhun final toh:
Ha ka iakhun mar samen ki kynthai da jop daka Balashembha Passah, deiwa pynrem ia ka Dorothy Challam.
Ha ki 45 chanein i rta mar arngut da jop da u Ambrose Gatphoh wa u Polestar Niangty, deiwa pynrem ia u Wanmi Dkhar wa u Singly Najiar.
Ha ka iakop mar arngut chynrang-kynthai da jop da ka Dorothy Challam wa u Ram Najiar, deiwa pynrem ia ka Balashembha Passah wa u Nangebormi Suting.
Ha ka 45yr chanein rta mar samen da jop da u Polestar Niangti deiwa pynrem ia u Wan I Dkhar.
Ha ka mar arngut ki kynthai da jop da ka Balashembha Passah waka Wandakahi Passah deiwa pynrem ia ka Dorathy Challam waka Emilanadaka Chyrmang.
Ha ka mar arngut ki chynrang da jop da u Ram Najiar wa u Hrisami Passah deiwa pynrem ia u Nangebormi Suting wa u Mewothi Nongpluh.
Ha ka mar samen chynrang da jop da u Ram Najiar deiwa pynrem ia u Mebanker Shullai.
Ha kani ka sngi da em haroh ka pynkhle nasib heiwa kiwa pam man ki kamni:
1st prize 3tula i ksiar- Ticket No. 06638
2nd prize Laptop- Ticket No. 01579
3rd prize LED TV- Ticket No. 06822
Discussion about this post