Jowai: Ka yakop yasiat Carom Board wa tip kam ka 9th U Kiang Nangbah Inter Office Carom Board Tournament wa pynlai daka Meghalaya State Govt. Employees Federation Jaiñtia Hill Unit Jowai, da poi ko cha wakut ynne ka 17 tarik ha yung krehkaam ka seiñ wa em ha DC Office, Jowai.
Kani ka yakob da sdang ko nadooh ka 15 tarik uni hi u bnai wei da wan yachim bynta da kamwa 13 tylli ki chnat sorkar wa kynthup ya ka PHE, ka Soil & Water Conservation, PWD, MePDCL, DIPR, District Statistical Officer, Education, DM&HO, JHADC, Agriculture, Horticulture, C&RD Block waka SDSEO.
Kamtæ haka yakhun Final yong ka kyrdan Men’s Single, u Gerlyman Mylliemngap naka chnat MePDCL da yoh rah u yei nam jop deiwa pynrem ya u Kamki Himi Suna uwa kreh ha skur KJP Synod Mihngi Higher Secondary School Jowai, katwa haka kyrdan Men’s Doubles won, u George Hamilton Kungte wa u Holywell Dhar naka chnat DIPR da yoh rah ki naam jop ki deiwa pynrem ya u Kamki Himi Suna wa u Shemdor Lang Kshiar kiwa kreh haka skur KJP Synod Mihngi Higher Secondary School Jowai.
Discussion about this post