Jowai: Ka Behdieñkhlam wa khaddooh yong uni u snem da pyndep ya ka ynne ka sngi da ka Raij Mukhla heiwa u Dr. RC Laloo da wan sakhi u ya ka kam u kongsan.
Ka lehniam da sdang nadooh ka Pynsiñ 22 tarik, heiwa da em ka Dorbar Niam wow pyrkhat ya ki wow lai li daiñ ya ki le tylli ki Dieñkhlam.
Ha ki sngi wa bood da wanrah lut ya ki Dieñkhlam na khloo. Hadien wa da pynpoi da pynyieñ ya ki, u wi ha Madan Tih Khyndaw da u deiñ chynrang katwa ar tylli won ha Madan Slot Masi uwi u Dieñkhlam na Mukhla Nongrim uwi won na Mukhla Umlangshor.
Ynne ka sngi khaddoh ka Muchai 25 tarik dang step da pyndep ya ka Kyntiñ Khnong iwa pynbood ya ka Knia Syiem Khlam ha Khloo Blai katwa ki khon ka Raij lai Choh Thyndai yung ki.
Ha kani ka sngi da wan sakhi ya kani ka sngi khaddooh ha Biar da ki hajar ngut na kylleiñ ka ri loom Jaiñtia kamjooh u MP u Vincent Pala, u MLA u Sniawbhalang Dhar, ki MDC, ki sahep sorkar wa kiwi kiwi kiwa wan sakhi ya ki rong wa ki rot wa da rah ki khon ka Raij, ha kani ka sngi da pynpoi hadooh 11 tylli ki rot.
Discussion about this post