Ka District Level Youth Exchange Programme 2024 wa da pynman da ka yung krehkaam u District Sports Officer ka West Jaiñtia Hills hajrong ka phang wa ong “Today’s Youth, Tomorrow’s Leader” kawa ar sngi dapoi ko cha wakut ynne ka sngi ha Auditorium Hall ka Kiang Nangbah Government College, Jowai.
Ya kani ka sngi pynkut da wan wow sakhi da ka D.V. Lyngdoh, ADC ka West Jaiñtia Hills kam ka kongsan deiwa emlang u DSO, u Khroobok Passah wa kiwi kiwi de heiwa ki skur deilang ki College wa da chimbynta da em ki 10 tylli.
Hadien wa dadep wow bichaar ya kiwa boon ki yakob wa boon jait, kiwa jop man ki kamni:
Ha ka yakob Poetry, da jop u Marwquis M. Pde na Government Boys’ HS School, hei wa ar da yoh ka Philarisa Dkhar na KJP Synod Mihngi HS School.
Ha ka yakob Story Writing, da jop ka Samhakaru Lypon na Government Boys’ HS School, hei wa ar da yoh ka Ibakordor Wahlang na North Liberty HS School.
Ha ka yakob Painting, da jop ka Khamti Lyngdoh Talang na Nongtalang College, hei war da yoh ka Iaphilang Nongrang na Kiang Nangbah Government College.
Ha ka yakob Declamation, da jop ka Sagacious Situng na Government Boys’ HS School, hei wa ar da yoh ka Jordanity Sukhlaiñ na North Liberty HS School.
Ha ka Solo Folk Song, da jop ka Hun-I-Ka Rymbui na Nongtalang College, hei wa ar da yoh ka Dametre Lanong na Government Boys’ HS School.
Ha ka Solo Folk Dance, da jop ka Cinoria Suting na Government Boys’ HS School, hei wa ar da yoh ka Wanisha Rymbai na Marian Hills HS School.
Ha ka Group Folk Song, da jop ka Thomas Jones Synod College, hei wa ar da yoh ka North Liberty HS School.
Ha ka Group Folk Dance, da jop ka Seiñraij HS School, hei wa ar da yoh Government Boys’ HS School.
Ha ka yakob Quiz, da jop da ka Government Boys’ HS School wa mihkhmat da ka Gracemelord Sungoh wa u Felyun Erol Lamare, hei wa ar da yoh ka Nongtalang College wa mihkhmat da u Snehashish Bhattacherjee wa ka Khamtilang Mylia na Nongtalang College.
Ha ka Science Mela (Solo) da jop ka Government Girls’ HS School.
Discussion about this post