Ka sorkar jylla da pynbna ko wa emkaam ko sa 16-17 Acre i thaw yow pynheh ya ka Shillong Airport katkam ka sorjamin wa da pynman yow ye u pynjrong chooh ya ka Runway wow ye u hiar ki lieñsuiñ wa rap heh.
Ya ini da pyntip da u Urban Affairs Minister, u Sniawbhalang Dhar uwa da pyntip wa daw yaklam wa ka sorkar pyrdi heiyatoh wa ini khnang wow ye u thied thaw chooh katkam wa da dawa.
Ka sorkar jylla kwah ko wow khut ya u Union Minister cha Shillong wow pynheh ya kani ka Airport neibhah wa emkaam bha wow wan ki heh na ka sorkar pyrdi hajrong ini i kaam.
U Chief Minister, u Conrad K Sangma ini wadep da pyntip u wa ka Cabinet da pdiang ko wow thied ya i thaw wow pynheh ya ka Shillong Airport wa Baljek Airport.
Hajrong ini waroh ka sorkar dang yang ko wow yoh i pdiang bor na ka Directorate General of Civil Aviation (DGCA) khnang wow ye u pynheh ya ka Shillong Airport.
Katkam wa man du ha ka 21 tarik uni u bnai ha ka chi sngi ha Shillong Airport da hiar 5 tylli ki lieñsuiñ wa kit ya 330 ngut, katwa ki lieñsuiñ wa mih em ki 5 tylli wa kit 266 ngut.
Discussion about this post