Ka lympung yalehke Inter School Athletic Meet 2022 wa le sngi wa pynman da ka yung krehkaam ka District Sports Officer, East Jaiñtia Hills da pynkut yaka ynne ka 19 tarik ha Teilang Playground, Dkhiah West, East Jaiñtia Hills District heiwa u Montri ka chnat Bhalang, u Kyrmen Shylla da man u kam u kongsan hei emlang u Jagpal Singh Dhanoa, Superintendent of Police, u Finelyness Bareh Rymbai, MDC ka Khliehriat-Rymbai, ka Stephanie. M. Rapsang, District Sports Officer wa kiwi.
U Kyrmen Shylla da e khublei u ya ki 23 tylli ki skur wa chimbynta ha kani ka lympung deiwa ban wa emkaam u man ki khynnah kiwa minot.
Da pynsñiaw u yei mynsien wa khia hajrong i sih ki madan deiwa pynrap leh wa manda yoh poisa daw yaleh u chna ya ar tylli ki madan hapoh ka District.
Da saam u leh ya ka khusnaam Overall Champion yong kani ka lympung cha ka Seiñ Raij Tuber Higher Secondary School kawa yoh 22 tylli ki takma ksiar katwa ka Best Discipline Team da yoh ka San Shnong Secondary School.
Ya i naam Best Athlete ha ka Under-14 da yoh u Daeihiwotmi Phawa na ka Sein Jait Tuber Higher Secondary School neibynta ki chynrang katwa ka Thehlut Sana yong ka Sein Raij BR UP School neiliang ki kynthai.
Ha ka Under-16 won, i naam Best Athlete da yoh u Lastly Suchiang na ka Sutnga Presbyterian Higher Secondary School neibynta ki chynrang katwa ka Lamsuk Phawa na San Shnong Secondary School neiliang ki kynthai.
U Lamwan Phawa na Sein Jait Tuber Higher Secondary School da yoh u yei naam Best Athlete ha ka Under -18 Boys katwa ka Anidakashwa Shylla na Sein Jait Tuber Higher Secondary School neiliang ki kynthai U-18.
Ka Best Girls wa Boys Team da yoh da ka Sein Jait Tuber Higher Secondary School.
