I pynkhreh ya ka 83rd Senior National Table Tennis Championship ha Shillong da lai ko chakhmat heiwa da pynman leh ya ka yalang ynne ka sngi neibynta ki Hotel wow sah kiwa wan chimbynta wa kiwi de wa wan lang kamjooh ki bru wow e yada wa kiwi de ki kaam.
Kamjooh leh ka khloor yalehke Table Tennis ka ri, ka Manika Batra da poi ko ha Shillong kamjooh kiwa chimbynta kiwa na Odisha, Jammu & Kashmir, Sikkim wa ki kattu katni kiwa na Telangana, Uttar Pradesh wa Goa.
Ka Batra toh kawa da chimbynta ha ka Olympics, kawa yoh takma tama ha ka Asian Games waka takma ksiar ha ka Commonwealth Games. Da yoh ko leh 3 tylli ki takma ksiar wa kawi ka takma rupa ha Shillong heipor ka 2016 South Asian Games.
