U Damonlang Shylla na Khliehtyrchi da jop u ya u Deving Phawa na Mupliang ha ka Singles yong ka Badminton Tournament wa da pynman da ka Wahiajer Sports Club, ha ka Doubles won u Damonlang Shylla wa u Pynshngain Khyriem da jop ki ya u Emboklang Jat wa ya u Riburom Jat.
Ya kani ka Badminton Tournament da pynlai da ka Wahiajer Sports Club heiwa kiwa chimbynta toh du napoh Thadlaskien Block donhi wa da chah wow chimbynta heiwa da wan na Mupliang, Nartiang, Ummulong, Khliehtyrchi wa na ki chnong wa marjan
Ha ka sngi pynkut da wan pynhaap pyrda da u MDC ka Jowai North, u Brightstar Chyrmang kam u kongsan hei emlang u Ialam Pariat, Secretary ka FKJGP Thadlaskien Block kam u symbood kongsan deilang wa u Secretary Chnong ka Wahiajer wa ki dkhot ka Wahiajer Sports Club.
Ya ki khusnaam cha kiwa jop da saam da u Lovely Shylla, Assistant Waheh Chnong, u Reforming Son Lamare wa u Rimiki Sari, President KSU Wahiajer Unit.
Kiwa jop Final ha kani ka lympung da yoh ki ya ka song poisa T. 5000 wa ki Certificate, katwa kiwa rem won T. 3000 wa ki Certificate.
