Ka lympung yaleh Basketball wa Tennis wa pynman da u Lat ka jylla u Brig. (Dr.) B.D Mishra (Retd.) ha ka thaw yaleh Basketball wa Tennis wa dang dep chna ha Raj Bhavan, Shillong kawa da sdang nadooh ka 24 tarik uni u bnai dapoi ko cha wakut ynnin ka 28 tarik heiwa da emlang u Chief Secretary, u D P Wahlang wa u DGP ka jylla, u Dr. Lajja Ram Bishnoi.
Ha kini ki soo sngi da em 8 tylli ki liang wa chimbynta ha ka yalehke Basketball yong ki chynrang wa kynthup ya ka Umroi Military Station, Eastern Air Command, Civilian Team (bru paidbah), Raj Bhavan, CRPF, Assam Rifles, 101 waka Meghalaya Police (MLP) wei da em ar liang ha ki yong kynthai kiwa na MLP wa Civilian Team (bru paidbah).
Ha ka Tennis da em 12 ngut kiwa chibynta kiwa wan na ka CRPF, Assam Rifles, HQ Eastern Air Command, Raj Bhavan wa BSF.
Ha ki yalehke Basketball ki chynrang da jop da ka 101 wei da yoh wa ar ka Meghalaya Police (MLP). Ha ki kynthai won da jop da ki MLP ya ka liang ki bru paidbah da 19-12.
Ha ka Tennis da jop u Wanpynskhem Mawroh wei da yoh wa ar u Amit Ram.
Yei naam Most Valuable Player ha ka Basketball da yoh da u R. Thapa naka 101 katwa ha ka Tennis da yoh u Wanpynskhem Mawroh.
