Jowai: Ka BSF 19 Bn, Shillong da pynman ko ya ka Border Cup 2017- kawa man ka lympung yalehke Football League hapoh ka Scheme ka Ministry of Home Affairs (MHA) ka sorkar india heiwa da pynkut ya ka ynnin ka sngi.
U Director Inspector General (DIG-G), UK Nayal, Meghalaya Frontier, Shillong da wan sakhi u ya ka sngi khaddooh kani ka lympung kam u kongsan heiwa emlang u Commandant Vinay Kumar.
U Nayal da ong u wa ka BSF ka thong yong ka toh wow thooh ya ki khynroo khyllood kiwa emsap ha ki kaam yalehke wa ha rukom.
Heijooh i por da ong u wa kani ka Border Cup thmu ko wow wanrah i yajan hapyrdi ki chipai wa ki paidbah kiwa em ha ki thaiñ khappood.
Ya ka yakhun final da yaleh hapyrdi ka Umkiang Peace United Football Club wa ka Lumphlang Progressive Football Club, Lahalein (Lailong) wa pynman ha madan bol ka chnong Umkiang.
Ha kani ka yalehke ka Lahalein da jop ko ya ka Umkiang da chi kool lyngba ka kool na u Romeo Lamare (J-10) heiwa da jied ya oo leh kam uwa yalehke wa kynsai dooh T. 5000.
Ka dhab wa jop da yoh ko ya ka song poisa wa T. 10,000 chirup wa ki tiar yalehke Football kamjooh leh ya kiwa wan wa ar da yoh ka Umkiang PU, FC heiwa da yoh ki ka poisa wa T. 5000.
Discussion about this post