15 49.0138 8.38624 1 0 4000 1 https://wyrta.com 300 0

Poi ka Meghalaya Youth Exchange Programme 2016 chawa kut

0 Comments
Advertisement ad1

Shillong: Ka Meghalaya Youth Exchange Programme 2016 ka wa pynman da ka Directorate of Sports & Youth Affairs nadooh ka 25 tarik hadooh 31 tarik uni u bnai da poi ko cha wa kut ynne ka sngi ha ka yalang wada pynman ha J. N. Stadium, Polo Ground.

U kongsan ha kani ka sngi u K. S. Kropha, IAS, Chief Secretary, Government of Meghalaya hei klam yong oo da khana u ya ki parom yong ka ri India heiwa ki bru wa khroo ka ri kam u  Sardar Vallabhbhai Patel wa ka Indira Gandhi da ye ki u chna u booh moonongrim ya ka ri India hadooh wa poi ko cha ka kyrdan wa em ko katni.

Advertisement ad1

yep1

Kamtæ da kyntu u ya ki khynroo khyllood wa ki leh u leh ki ya ki kaam wa ye u rah ya ka ri cha ki kyrdan wa dang heh chooh chooh wei wow man ki kiwa em i maya wei wow burom ya kiwi ki jaitbru kamjooh leh ya ki Niam ki rukom yow man ka ri wa tylli.

Ka Meghalaya Youth Exchange Programme ha uni u snem da em boon boon kiwa wan chimbynta na waroh ki district kiwa da yoh u yachem wow phyllu yumut wei kamjooh leh wow sñiawthooh u wi ya u wi nadooh ki rukom im, ka niam wei kamjooh leh wow pysñiaw ki yei thrang mynsien ya ka mynried yong ki.

Ka phang ha uni u snem toh  “Empowering the Youth, Powering the Nation”, kamtæ kiwa chimbynta da yoh ki i sikai wa boon jait i khih i khan wei yeiwa emkaam ki u pynkhreh ya ka mynstep ka mankawi ka yong ki.

Da yoh ki leh u yachem yaklam wa ki khynroo khyllood ka jylla wa pawnaam kam ka Andrea Tariang (Actor), Bansara Dhar (Archer), Eugene Niangti (Entrepreneur) wa kiwi kiwi.

Ki khynnah khynroo khyllood da yoh ki leh u pynyoo ya ki sap rwai, chaad wei da em leh ki yakop Debate, Quiz wa kiwi kiwi.

yep2

Advertisement ad1

0 Comments

Leave a Reply