15 1 0 4000 1 https://wyrta.com 300 0
theme-sticky-logo-alt
theme-logo-alt
Advertisement ad1

Poi ka Nasha Mukt Bharat Abhiyan Campaign cha wakut ha East Khasi Hills

Advertisement ad1

Ka I. Laloo, Deputy Commissioner wa Chairperson, District Level Nasha Mukt Bharat Abhiyan Campaign Committee, East Khasi Hills District ynne ka sngi da wan ko wow chimbynta haka yalang pynhaap pyrda ka Nasha Mukt Bharat Abhiyan 2020-2021 kawa da pynman ha KJP Assembly Conference Hall, Shillong. Ya ka yalang da pynman daka District Administration, East Khasi Hills District wa ka yung krehkaam ka District Social Welfare Officer, East Khasi Hills.    

Hawa e yei klam, ka DC da yaroh ko yaka District Social Welfare Department wa ki NGO ya ki kaam wa da leh ki ha kini ki 5 bnai yow kynjoh cha ki bynta ka imlang deiwa pynman yaki pynsñiawthooh paidbah kiwa ha rukum deiwa e sikai leh yaki Volunteer kamjooh deiwa lai psiah na iwi i yung cha iwi yow pynsñiawthooh yei emkaam wow pyndooh yei dih drugs hapoh ka jylla waka ri waroh kawi.

Ka DC da sneiñ ko leh yaki khynnah ki khynroo wow yait nei dih sikret, i dih ya kiwon kiwon ki jait pynmuaid neidaw wa kini ktah ki nadooh yei doh i pran kamjooh i pyrkhat pyrdaiñ. Da pynkynmoo ko leh yei emkaam kiwa ha yung ha sem, ki lok ki jor, ki Balang, ki NGO kamjooh ka imlang sahlang wow pynsñiawthooh yei maa kini ki ki jait dih kamjooh wow yarap ya kiwa dang khynnah dang khynroo wow chimbynta ki ha ki Sports, i dro dur, i chet i tu wow thung kpær wa kiwi kiwi de.

Da kyntu ko leh ya kiwa chong chnong wow em yei sñiaw ya kitu kiwa da chah kdoh chah khoom ha ki jait dih pynmuaid deiwa kyrchaan ya ki yow ye ki u jop wei ym toh leh wow kyntait ya ki.

Ha chwa ini, ka M. Kharkongor, District Social Welfare Officer wa Member Secretary, District Level Nasha Mukt Bharat Campaign Committee, East Khasi Hills District da khana ko ya ki kaam wa da dep leh ha ki 5 bnai wa da dep.

Share this:
Previous

MCA U-19 Girls Cricket Tournament: Jop ka Ri-Bhoi yaka East Garo Hills

Next

Da chem ya kawi ka Driving License na Iawthymme