Shillong: Ka sien wa soo namo ka Fourth Edition ka Northeast 3×3 Challenge, ka lympung yaleh Basketball wa pynman da ka Touchline Northeast deiwa ya krehlang waka Meghalaya Aids Control Society (MACS), da poi ko cha wa kut ynne ka sngi ha Madan Iewrynghep, Shillong.
Kani ka lympung toh kawa pynman le sngi heiwa da wan chimbynta da 68 ki dhab ha ka kyrdan U-18 Boys’ & Girls’ waka Women’s & Men’s.
Ki soo tylli ki Final wa pynman ynne ka sngi ha ka kyrdan U-18 Girls’, ka Tyllilang Jaiaw da pynrem ko ya ka ENE Ballers na Mawngap da 6-5 kawa pynman chiteiñ madan kawa mar le ngut chiliang .
Ha ka Boys’ U-18 final ka Jett da yachem ko waka SFS wei hadooh wa kut i por ka yalehke da kut ko da 7-7 tangwa ha ka Sudden Death heiwa kiwa yoh u thap ar point u jop ki, Jett da jop ko da 9-7.
Ha ka kyrdan Women’s ka Alpha da jop ko ya ka ELIS da 9-4 katwa ha ki Men’s won ka D’Ravagers da pynrem ko ya ka Da Noobs da 11-6.
Discussion about this post