15 49.0138 8.38624 1 0 4000 1 https://wyrta.com 300 0
Advertisement ad1

Pyrchah ka KSU yei tyrwa ka HC wow pynsuk yei man tre ri ki baar ri

0 Comments
Advertisement ad1
Advertisement ad1

Jowai: Ka KSU sa chisien da pynsñiaw ko yei pyrchah joor yei tyrwa ka Citizenship (Amendment) Bill 2016 wow pynman tre ri India ya ki Hindu, Sikh, Jain, Parsi, Christian wa Buddhist kiwa wan psiah cha ka ri India na Bangladesh, Pakistan wa Afghanistan.

Ka khubor na ka KSU man ko leh kam wow pyrchah yei kyrpaad ka Meghalaya High Court ya u montri rangbahdooh ka ri wow pynman tre ri ya kitu ki jaitbru (wa da kdaw ha neiñ) khlem da pyrkhat yei long i man ka tre jylla ka thaaiñ mihsngi. Heijooh i por ka KSU da ong ko wa ym em pyrchah ko wow yarap ya ki para bru tangwa emkaam wow pyrkhat leh ya ki tre chnong tre jylla kani ka thaaiñ kiwa da man chwa kiwa khian paaid.

Katam ka yutip wa yoh ka KSU da ong wa kamwa 14 million ngut ki Hindu da em ki ha Bangladesh. Lada kyruiñ cha ka jylla Meghalaya, em du kamwa 1 Million ki Khasi kiwa da ktah chwa nei wan tia ki baar jylla hadooh wa ha Shillong ki baar jylla da em ki mar chiteiñ wei lada kani ka Bill man aiñ ko da tikna wa daw wiar jait ki tre chnong.

Lada na ki 14 million ki Hindu ka Bangladeshi, 3 million yoh ki u man tre ri ki wow wan sah ha Meghalaya, itæ mut i wa ki paaid Khasi da tikna u man ki ki khian paaid du chi ryngip i khmat. U dooh ki leh yei hok yong ki, ka dustur riti yong ki wei ym slem daw wiar jait noh i.

Ka KSU da e nongmuna ko leh ya ka Indo-Nepal Friendship Treaty 1950 kawa da ktah ya ka jaitbru Khasi hanlada ka Meghalaya ym em pood ko waka Nepal tæ pyrkhat won hadooh katwon u ktah ko ya ka Meghalaya kawa em u pood wa ka Bangladesh.

Ini toh katkam wa pyntip u General Secretary ka KSU u Donald V Thabah.

Advertisement ad1

0 Comments

Leave a Reply