U Eladwanmi Papang uwa man u dkhot yong ka Khasi Students’ Union (KSU) Shangpung Unit da chah khut hajir u ha Sadar Police Station, Shillong hajrong i lai Rally wa da pynman da ka KSU seiñbei ha ka 19 tarik u Naisaphra 2026 ha nongbah Shillong.
Hawa klam wa kiwa thoh khubor hadien wa dep wan hajir, u Eladwanmi Papang da ong u wa i khut ki pulit thoh wow lai jubab hajrong i chem ya ka Scooty yong oo wa da pynemkaam ka heipor wa lai Bike Rally ka KSU ha Shillong.
U Eladwanmi uwa sah ha Lapalang wei kamai Taxi u ha Shillong, da ong u wa hanla man u kam u dkhot KSU, tangwa ym em lai chimbynta u ha ka Rally neidaw wym lait por u wa hap u wow lai kamai. Tangwa da pdiang u wa ka Scooty yong oo da yoo ya ka ha ka Rally, wei ym tipmit u ya uwa yah ya ka Scooty katwa uwa chong hadien toh u chipayu tre yong oo wei ym tip u cheiwon em u kattæ.
Da pyntip wa ya ka Scooty da kem noh da ki pulit na Jowai, katwa ya oo won da pynlait noh hadien wa da takit wei da kylli heiyatoh wa ka Rally.
Da khana u leh wa ki pulit da phah soi pyrtuid ki oo yow pyndam noh ya ka mukotduma.
Discussion about this post