Ka East Jaiñtia Hills District Level Inter-School Subroto Mukherjee Cup Football Tournament, 2023 neibynta ki Under-14 ki chynrang wa ka Under-17 ki chynrang wa kynthai dapoi ko cha wakut ynne ka sngi ha madan ka EJHDSA wa em ha Dienchynrum, East Jaiñtia Hills District.
Ya ki yakhun Final da wan wow sakhi da u Deputy Commissioner, East Jaiñtia Hills District, u A. Baranwal kam u kongsan, u Halen Nongtdu, Captain U-20 Indian National Football Team kam uwa chah khut kyrpang.
Ha ka Final ki U-17 ki chynrang, ka Rymbai Presbyterian Higher Secondary School da jop ko yaka Wapung Higher Secondary School da 2-1.
Ha ka Final ki U-17 ki kynthai, ka Khliehriat Higher Secondary School da jop ko yaka Lotus Secondary School, Dienchynrum da 1-0.
Ha ka Final ka Under-14 ki chynrang, ka K.B. Memorial Secondary School, Wapung da jop yaka Chiehruphi Secondary School da 3-1 deiwa yachut Tie-Breaker.
Kini ki skur wa jop kattu daw mihkhmat ki ya ka District ha jar jiar i kyrdan yong ki ha ka State Level.
Ha kani ka sngi yei naam Best Player of the Tournament da lai cha u Bisterly Ksih yong ka Rymbai Presbyterian Higher Secondary School neibynta ki Under-17 Boys, ka Filicia Sympli na Khliehriat Higher Secondary School da yoh ko yei naam Best Player yong ki Under-17 Girls katwa u Lyonel Ryngkhlem na K.B Memorial Secondary School da yoh u yei naam Best Player ka Under-14 Boys.
Ha kani ka sng da ya emlang leh wa u F. Bareh, MDC ka Rymbai-Khliehriat Constituency, ka District Sports Officer, ka Stephanie Rapsang, u C. Tlang, General Secretary, East Jaiñtia Hills District Sports Association wa u J. Sutnga, Working President, East Jaiñtia Hills District Football Association.
