Jowai : Ka yakop yasiat suloi wa ka yasiat pistol kawa da pynman da ka Dorbar Chnong, Loompyrdi, Iongpiah, da poi ko chawa kut pyn ynnin ka sngi hi.
Ya ka yasiat pistol na ki daw wym ye u kiar da haap pyndam noh ya ka.
Ha ka siat suloi ki chynrang da jop u ma A.N. Niangti uwa da yoh 40 point, da poi wa ar u Cheru Passah uwa da yoh 38 point heiwa le won da yoh u Sammon Passah uwa da yoh 33 point.
Katwa ha ka kyrdan ki khynnah won da jop u Da-i-mon mi Pyrbot uwa da yoh 34 point, wa ar da yoh ar ngut kiwa kynthup ya u Longchwa Pyrbot wa Wanchan Myrten kiwa da yoh 33 point, heiwa le won da yoh u Arman Suwer uwa da yoh 19 point.
Discussion about this post