Ki paidbah ka chnong Klew, Raid Madan Kyrdan wa em ha Ri-Bhoi District, ha i step synyaaw ka 25 tarik da khyrngiat ki wow sñiaw yei kieh wa phylla wei manda mih ki cha lait da chem ki ya ki rapasa wa phylla wa hær ha suiñ.
U waheh chnong ka Klew, u Lamburom Masharing da ong u wa ha i synyaaw ka 25 tarik da sñiaw ki yei kieh wa phylla wei kini ki rapasa da hær ki waroh chi miet.
Da ong u wa da ngiah ki paidbah yeini hadooh wa mih ki cha lait heiwa da chem wa hær kini ki rapasa ha ka chnong wei hei step da kem ya ki kattu katni.
U Masharing da pyntip u wa ymtip kiwa kammon jait kini ki rapasa tangwa da rai wymtoh u tynyap ya ki wei wow e kti ya ki cha ka Wildlife Department.
Kini ki rapasa toh kiwa tip kam ki Greylag Goose kiwa wan heipor tlang nadooh u Naichiphaw hadooh u Wisu (Mar) ha kiwa boon ki thaw ka North India wei poi ki leh ha Assam wa Odisha.
I tipmit ya ki toh nei kjat wei ktien ki wa man rong Pink.
Discussion about this post