Ki dkhot ka Shiromani Gurdwara Parbandhak Committee wa ka Save Shillong Sikh kiwa na Amritsar, Punjab da pynsñiaw ki yei wym hun pura yei tyrwa yong ka sorkar wow kyrriah ya ki bru wa chong wa sah ha Them Metor, Them Ïewmawlong.
Kini ki seiñ ki Sikh da wan poi ki ha Shillong yow yachem ya u Chief Secretary ka jylla, u DP Wahlang yow pynsñiaw ya iyi wa kwah ki hakhmat u Chief Secretary, tangwa da kyntait ki wow khana won ha kiwa thoh khubor.
Hawa kylli, u Convener ka Save Shillong Sikh, u Jagmohan Singh da ong u wa i wan wow tuklar yong ki Sikh na baar toh neidaw kiwa sah ha Them Metor toh ki bru kiwa na Punjab kiwa da poi cheini 200 snem nachwa, wei da ong u wa lada ki Sikh kiwa em ha kiwon kiwon ki thaw chah lehbeiñ ki, da sñiaw kamwa cha lehbeiñ lang wa ki, wei i wan cha kani ka jylla toh yow sñiawlem neibynta yong ki.
Hawa kylli hajrong i kwah ka sorkar wow pyndep noh ya ini i kaam hapoh ka 31 tarik uni u bnai, u Singh da ong u wa u Symbood Montri Rangbah ka Meghalaya da e bor u ha u Chief Secretary, iwa da pynman ya ki wow yaklam chwa wa oo kam u heh dooh ki sahep ka Meghalaya, heiwa da ong u wa ki leh daw yang ki yei khut ka sorkar wow yaklam.
Discussion about this post