February 27, 2019

Poi kiwa thap Vote 79% ha JHADC wa 60% ha KHADC

Shillong: I wan mih kiwa thap Vote wow jied MDC cha ki ar tylli ki District Council ynne ka sngi hadooh i por 6 waje i janmiet da poi ha JHADC 79% katwa ha KHADC won du 60%.

U Commissioner & Secretary ka District Council Affairs, u T. Dkhar da ong u wa ka Election ha waroh ar Council da man ko kawa jop hapyrdi i pynthut u slap ka la-ær.

U Dkhar da ong u wa na kini waroh ki chynrang wa da wan thap Vote ha JHADC man ki 77.40% katwa ki kynthai won 79.80%, katwa ha KHADC ki chynrang wa da poi thap ya ki Vote man ki 58.90% katwa ki kynthai won 61.50%.

Kiwa thap Vote ka ri Khasi wa Jaiñtia ynne ka sngi da jied ki ya kiwa mihkhmat na ki 58 tylli ki Constituency, kitæ 29 ngut na KHADC wa 29 ngut na JHADC.

Kiwa jied waroh ha KHADC em 7,95,143 ngut wa kynthup ya 3,83,633 ngut ki chynrang wa 4,11,468 ngut ki kynthai, katwa ha JHADC em ki 2,49,334 ngut wa kynthup ya 1,20,675 ngut ki chynrang wa 1,28,592 ngut ki kynthai.

Ha KHADC em 1433 tylli ki polling station wow jied ya ki 130 ngut ki kyrtong, katwa ha JHADC em 408 tylli ki Polling Station wow jied ya ki 101 ngut ki kyrtong.

Ha kani ka Election da pynemkaam ha ka sien wa nyngkong ya ka NOTA neibynta kitu ki wym ngait ya uwon uwon u kyrtong.

Ya ka Vote u ñiaw ha ka 2 tarik u Wisu.