Kiwa yalehbol ka ri Maldives dapoi ki ha Shillong ynne kam chibynta wow pynman ya ka yalehke International Match wa nyngkong ha Meghalaya kawa daw pynman ha Shillong ha JN Stadium Polo ha ka 19 tarik uni u bnai heipor 7:00 waje i miet.
Kani ka yalehke man ko kam ka yalehke yong lok namo ka Friendly Match hapyrdi ka India wa ki Maldives.
Ya kini kiwa yalehke ka Maldives da wan pdiang ya ki ynne heipor chiteiñ sngi da u Cliff Nongrum, Vice President ka Meghalaya Football Association (MFA) deilang wa ki dkhot ka MFA.
Ya ka yalang pdiang burom ya ki da pynman ha Hotel Vivanta wa em ha Khyndailad kawa man leh ka thaw sah yong ki.
Kani ka Friendly Match man ko leh kam chibynta wow pynkreh ya ka AFC Asian Cup 2027 Qualifier heiwa ka India daw yachem ko wa ka Bangladesh ha ka 25 tarik uni u bnai.
Kini ki ar tylli ki yalehke da man ki leh u moomær wa thymme ya ka jylla wow lai rah ya ka ha ka rynsan wow yoo ka pyrthai.
Discussion about this post