theme-sticky-logo-alt
theme-logo-alt

Poi noh ki yalehke ka Meghalaya Games 2022 cha wakut

Ka West Khasi Hills da jop ko haka Final ka yalehbol ki kynthai katwa ka East Khasi Hills won da jop ki ya ka Final ki chynrang ynne ka sngi wa khaddooh ka 4th Meghalaya Games 2022. 

Ka East Khasi Hills da wan ko nadien yow jop ya ka Ri-Bhoi ha madan ka SAI Centre deiwa jop da 5-1, heiwa u Aenam Jyrwa wa u Badonlang Rapsang da yoh ki mar ar kool. 

Ka West Khasi Hills won da jop suk ko ha ki kynthai deiwa jop ya ka EKH da 3-0 ha Mawlai Madan Heh heiwa ka Rivilda Rynjah da yoh ko wow thap ar kool. Yei wa le namo ka takma tama da yoh ka East Jaiñtia Hills kawa pynrem ya ka West Garo Hills da 4-0 ha ki kynthai katwa ka West Jaintia Hills won da jop ko da 7-3 yaka East Jaintia Hills yow yoh takma tama ha ki chynrang.

Ynne da pynkut leh ya ka yaleh Golf kawa ar sngi ha Shillong Golf Course heiwa ha ki kynthai da jop da ka Jyoti Agarwal kawa yoh takma ksiar, ka Gunjan Singhania takma rupa waka Ooma Tiwari Tariang da yoh ko ya ka takma tama. U Anil Pargal da jop u haka Super Seniors, wa ar da yoh u Col. Jagdish Singh wa le u Dilip K Borah. Ha ka Senior da yoh takma ksiar u Benu Malakar, takma rupa da yoh u Hector Marwein katwa ya ka takma tama da yoh Billykid Sangma. 

Ha ka kyrdan Mid Amateur da jop da u Dr. KI Singh, wa ar u Gaurav Bajaj wa u S Khonglah hei wa le. U Jonathan Iawphniaw da yoh takma ksiar u haka kyrdan Amateur, u Jason Passah da yoh u ya ka takam rupa katwa u Shaurya Goenka da yoh u ya ka takma tama. 

Ha ka Badminton wa pynman ha NEHU Indoor Hall, da jop da ka chi jur ka West Jaintia Hills kitæ u Mebanker Shullai wa u Gregor Passah kiwa da pynrem ya u Rituraj Nag wa u Kiefer Shullai. 

Ha ka Men’s Singles won da jop da u Nag, katwa u Andrew Lotzem waka Elsarica Umdor da jop ki ya ka Mixed Doubles. Ki chipayu, kitæ ka Shagun Singh waka Shristi Singh da jop ki yaka Women’s wa Girls’ Doubles. Ka Shristi da jop ko ya ka Women’s Singles waka Girls’ Singles. Yaka Boys’ Singles won da jop da u Cyrun Marak katwa ka Doubles da jop da u Jay Kshair wa u Gaurav Singh. 

Ya ka Boxing da pyndep ynne ha Mawlai Mawroh Community Hall wei kiwa jop man ki kamni ha ka Men’s Division: Pynshailang Sohshang (46kg), Sanjeev Maskut (48kg), Prashant Dorjee (51kg), Batsilbert T Sangma (54kg), Sunil Limbu (57kg), Badonkupar Synnh (60kg), Baiamutlang Sungoh (63.5kg), Bhalang Shadap (67kg), Bolnas Sangma (71kg).

Kiwa jop ha ka Women’s Division man ki kamni: Bainlumlin L Nongpiur (46kg), Gracenylla Marbaniang (48kg), Rabiya Khan (50kg), Melina Basaiawmoit (52kg), Tredicia Lamare (54kg). 

Share this:
Previous

Meghalaya Games: Hadooh 8 tylli yoh takma ka WJBA 

Next

‘Ym pdiang i ya kiwon kiwon ki kaam yakhle’, yachem ka KJCLF ya u Conrad