Ka lympung yalehbol wa tip kam ka 8th Open To All Knock Out Football Tournament 2024, kawa pynlai daka Moosianglamare New & Youth Welfare Organisation Sports Club, dapoi noh ko cha ka Semi Final deiwa pyndep ya ki soo tylli ki Quarter Final kiwa da dep pynman ha ka 8, 10, 15 wa 18 tarik uni u bnai.
Ha ka Quarter Final wa nongkong da pynman hapyrdi ka Ratacherra SC waka Young Boys FC kawa da kut da 1-1 heiwa da pynman da ka yachut Tie-Brekaer wei da jop ka Ratacherra SC da 4-3.
Ha ka Quarter Final wa ar, da pynman hapyrdi ka Nongsning SC waka Rymbai Skhenshynriah SC heiwa da jop da ka Rymbai Skhenshynriah SC da 4-2.
Ha ka Quarter Final wa le da pynman hapyrdi ka Moosianglamare Old SC waka Chiehruphi XI FC kawa da kut da 0-0 heiwa da jop da ka Moosianglamare Old SC Lymba deiwa yachut Tie-Breaker da 3-2.
Ka Quarter Final wa khaddooh da pynman ynne ka sngi ka 18 tarik hapyrdi ka Umrasiang SC waka B. Siangshai FC kawa da kut da 1-1 heiwa yow rai ya kiwa jop da pynman da ka yachut Tie-Breaker heiwa da jop da ka B. Siangshai da 4-2.
Kamtæ ki Semi Final u pynman ha ka 22 tarik wa 26 tarik uni hi u bnai.
Ka Semi Final wa nongkong u pynman hapyrdi ka Ratacherra waka Rymbai Skhenshynriah SC heipor 2:00 waje i sngi ha kani ka 22 tarik.
Ka Semi Final wa ar u pynman hapyrdi ka Moosianglamare Old SC waka B. Siangshai FC heipor 2:00 waje i sngi ha kani ka 26 tarik.
Ka Final won u pynman ha ka 05-07-24 heipor 1:00 waje i sngi hapyrdi kiwa jop ya ka Semi Final wa nongkong wa kaw jop ya ka Semi Final wa ar.
Neiliang ka Moosianglamare New & Youth Welfare Organisation Sports Club da khut ko ya phi ki paidbah wow wan sakhi phi ya kini ki yalehke Semi Final wa Final.
I pyntip na u Nibest Nongtdu, Secretary Club Moosianglamare New.
Discussion about this post