Ka yung krehkaam u montri rangbahdooh ka ri Bhutan ynne da pyntikna ko wa da em uwi u bru uwa da yoh ya u khñiang Coronavirus ya uwa da tip leh kam u COVID-19.
Da ong ko wa uni uwa yoh ya uni u khñiang toh u nong America.
Uni bru toh uwa 76 snem wei da wan u na India ha ka 2 Wisu wei da thiah Hospital u ynnin ka 5 tarik wei ynne da ye u pyntikna wa da yoh u ya uni u khñiang.
Chooh chooh da ong wa da booddien ya ki kamwa 90 ngut ki bru kiwa yajan wa uni u bru hapoh ka ri.
Uni u bru da poi u cha Bhutan deiwa hær na Guwahati cha Paro, Bhutan daka Druk Air Flight KB241 haka 2 tarik uni u bnai. Hapoh Airport hawa sylli ya oo ym em chem wa em u kiwon kiwon ki dak wa chitom u tangwa manda poi u ha Thimpu heipor 3 waje i sngi da lai u cha Hospital wa ym em sñiaw chait u. Tangwa haka sngi wa bood da lai u cha Punakha wei da neh u chi sngi wei uiñ biang u cha Thimpu wei da lai biang u cha Hospital wa iñ doh u, kyoh, wei chitom u wow riñ mynsien wei hadien ini da chem wa em u ya u COVID-19.
Mar tip yeini ka sorkar ka Bhutan da khang lut ko ya u pood yong ka kam chibynta wow yada ya ka ri na uni u khñiang wei ym chah de ya ki baar ri wow psiah chapoh kani ka ri.
Chooh chooh ka Ministry of Health and Family Welfare ka India da pyntikna ko wa em sa uwi u bru uwa da yoh ya u COVID-19 wei da wan u na Thailand wa na Malaysia.
Uni u bru dang em u hapyrdi i chah sumaar wei wa uni hapoh India da em 31 ngut wa yoh ya uni u khñiang wa kynthup ya ki 16 ngut ki nong Italy.
Ka jylla Sikkim leh nadooh ynnin ka sngi da khang ko wow chah u psiah ki bru na baar ri wa kynthup ya kiwa na Nepal wa Bhutan dei wym e Inner Line Permit ya ki.
Discussion about this post