Poi u khynnah na Afghanistan cha India deiwa rieh ha thaw pynchong chaka ka lieñsuiñ

Uwi u khynnah wa dang 13 snem na Afghanistan dei wym poi pyrkhat dapoi u cha nongbah New Delhi deiwa rieh ha ka thaw pynchong chaka namo ka Landing Gear ka lieñsuiñ na Kabul, Afghanistan.

Ini da jia i heipor 11:00 waje i step ka 21 tarik ha ka lieñsuiñ ka KAM Airlines Flight Number RQ-4401 kawa dapoi ha Indira Gandhi International (IGI) Airport hadien ar kynta nawa mih ko.

Ya uni u khynnah da pynuiñ biang cha Afghanistan ha ka jooh ka sngi ha ka jooh hi ka lieñsuiñ.

Uni u khynnah da uiñ u kylleiñ ha lait hadien wa hiar ka lieñsuiñ wei toh uwa na ka sor Kunduz, Afghanistan heiwa da e kti noh ya oo cha ki chipai ka Central Industrial Security Force kiwa da yah ya oo cha Terminal 3 ka Airport wow takit ya oo.

Uni u khynnah da phla u wa da psiah tooh u chapoh ka Kabul Airport heiwa da rieh u ha thaw pynchong chaka kani ka lieñsuiñ.

Related posts

Ki Biate wa ki Hadem wa e jait pa ym yoh ki i jooh i tipmit kam kiwa e jait bei: CEM JHADC

June 29, 2026

U chynrang wa dat ya ka kynthai toh u wym em de yachong wa ka

June 29, 2026

Hadien wa takit ya oo da pynuiñ ya oo pyn ha ka jooh ka lieñsuiñ heipor 12:30 i sngi.

Neiliang kiwa kreh ka KAM Airlines da sylli bniah ki yei thaw pynchong chaka kani ka lieñsuiñ heiwa da chem ya ka Speaker rong soo kawa man ka yong uni u khynnah.