Ki pulit ka East Khasi Hills da chimkhia ki hadien wa poor iwi i dur ki slip khrong poisa yong ki kamwa 14 tylli ki seiñbhalang na ki dukan ha Iewduh, Shillong.
Neiliang u Superintendent of Police, u Vivek Syiem da kyntu u ya ki tre dukan wow pyntip cha ki pulit manda jia kamni wei wot wow ujor da ka FIR deiwa kular leh wow chimkhia wow pynchitom ya kiwa dawa poisa.
ADVERTISEMENT
Da kdaw u leh wa ha ki por nachwa ki pulit da jooh kem ki ya kam kini ki damok katkam ka yutip wa yoh ki wei da kubur u leh wa i artatien ki tre dukan wow wan chaphrang toh neidaw wa tieñ.
Chooh chooh da kular u wa daw murieh yei pyrtuid kiwa e yutip cha ki pulit deiwa kyntu wow khana donhi ya i thaw wa jia næ dawa poisa khnang wow ye u leh yeiwa emkaam.
Discussion about this post