Prize Money Knock-Out Football Tournament: Jop ka EJTOA waka Deiñshynrum

Ka 15th Prize Money Knock-Out Football Tournament 2023 wa pynman da ka Waikhyrwi Sports Club and Social Organisation (WSCSO) Dkhiah West da pteiñ biang ya ka ynne ka sngi deiwa pynman ar tylli ki yalehke.

Da sdang ya ka yalehke hapyrdi ka East Jaiñtia Taxi Owner Association (EJTOA) pyrchah ya ka Mosianglamare New SC heiwa ka EJTOA da jop ko da 4-1.

Ya ki kool ka EJHTOA da thap kool da u Oliver ha ka minit ka wa 13, u Ram Dkhar ha ka minit wa 41, u Heimonmi Dkhar haka minit wa 51 wa u Borki ha ka minit wa 56 katwa ya ka Mosianglamare da thap da u Meban Nongtdu ha ka minit wa 70.

Related posts

Jop ka Tyrshang ha ka 1st Division, ka Mukhla Raij ha ka Super Division ka TSA

October 28, 2026

Jop ka Jaralood wa Amshipai ha ka 2nd Division, ka Moosakhia wa ka Amkoi ha ka 1st Division ka ASSA

October 28, 2026

Ha ka yalehke wa bood, ka Deiñshynrum SC da jop ko yaka Jalaphet Pyrdung SC da 2-0 da ki kool wa thap da u Khrehbha Nongtdu haka minit wa 46 wa u Riki Lyngdoh haka minit wa 54.

Ka yalehke wa bood u pynman mynstep heipor 2:00 waje i sngi hapyrdi ka Sutnga Pohshnong SC waka Shiliang Umshong SC.