Shillong : Hadien wa ar ngut ki dkhot ka UDP u Marki Mulieh, MDC JHADC wa u Singh Mulieh u MDC wa rim ka JHADC kamjooh leh u wa jooh man MLA da psiah seiñ ki cha ka BJP, ynne ka sngi ha Shillong da psiah sa 5 ngut ki MDC wa u wi u MDC wa rim.
Ha ka yalang wa pynman ha Assembly Hotel Shillong, heiwa u General Secretary ka jylla yong ka BJP u Nalin S. Kohli da pdiang sñiawbha u ya kini ki dkhot party wa thymme hei emlang u ma Shibun Lyngdoh, President ka BJP Meghalaya.
Ki san ngut ki MDC kiwa pdiang burom ynne ka sngi kynthup ki ya u Neil Antonio War, MDC ka Laitumkhrah uwa dang ha kini ki tayaw wa dep da ieh u ya ka seiñ Congress wei da man u leh kam u EM yong ka EC u PN Syiem uwa dep chah suspend na ka Congress .
Na ka GHADC won da psiah u 1. Ismail Marak na ka Congress 2. Righteous Sangma na ka NCP, 3. Sofiur Rahman kam u Independent 4. Kurosh R Marak uni leh u Independent
Da em leh sa u wi u MDC wa rim ka Umroi Constituency u Field Marshall Mawkhlieng u wa na ka seiñ UDP uwa psiah cha ka BJP.
Discussion about this post